भारतद्वारा ४० प्रकारका पेट्रोकेमिकल कच्चा पदार्थमा पूर्ण भन्सार छुट घोषणा
एसीपी संवाददाता
२० चैत्र २०८२, शुक्रबार १०:३९ मा प्रकाशित
काठमाडौं। भारत सरकारले पेट्रोकेमिकल उद्योगका लागि ४० प्रकारका कच्चा पदार्थमा पूर्ण भन्सार महसुल छुट दिने निर्णय गरेको छ। यो व्यवस्था ३० जुन २०२६ सम्म लागू हुनेछ।
पश्चिम एशियामा जारी द्वन्द्वका कारण विश्वव्यापी आपूर्ति शृङ्खलामा आएको अवरोध र मूल्य अस्थिरतालाई मध्यनजर गर्दै उद्योगलाई राहत दिन यो कदम चालिएको भारतीय वित्त मन्त्रालयले जनाएको छ।
सरकारका अनुसार यो अस्थायी तर लक्षित नीति हो, जसले घरेलु उद्योगलाई आवश्यक कच्चा पदार्थको नियमित आपूर्ति सुनिश्चित गर्ने, उत्पादन लागत घटाउने र आपूर्ति शृङ्खला स्थिर राख्ने लक्ष्य राखेको छ।
यो निर्णयबाट प्लास्टिक, प्याकेजिङ, टेक्सटाइल, औषधि, रसायन तथा अटोमोबाइल कम्पोनेन्ट उत्पादन गर्ने उद्योगहरू प्रत्यक्ष रूपमा लाभान्वित हुने अपेक्षा गरिएको छ। उद्योगको लागत घट्दा अन्तिम उपभोक्तासम्म मूल्यमा केही राहत पुग्न सक्ने अनुमान छ।
भन्सार छुट दिइएका मुख्य कच्चा पदार्थमा एनहाइड्रस अमोनिया, टोलुइन, स्टाइरिन, पोलिथिन, पोलिप्रोपाइलिन, पोलिभिनाइल क्लोराइड (पीभीसी), पोलिथिलिन टेरेफ्थालेट (पीइटी) चिप्स लगायतका विभिन्न पेट्रोकेमिकल इन्टरमिडिएट्स समावेश छन्।
सरकारले यो कदमलाई औद्योगिक स्थायित्व र उत्पादन वृद्धितर्फको महत्वपूर्ण नीतिगत पहलका रूपमा लिएको छ।
यी हुन् भन्सार दर शुन्य भएका सामग्रीहरु:
Anhydrous ammonia – निर्जल अमोनिया
Toluene – टोलुइन
Styrene – स्टाइरिन
Dichloromethane (methylene chloride) – डाइक्लोरोमेथेन (मिथिलिन क्लोराइड)
Vinyl chloride monomer – विनाइल क्लोराइड मोनोमर
Methanol (methyl alcohol) – मेथानोल (मिथाइल अल्कोहल)
Isopropyl alcohol – आइसोप्रोपाइल अल्कोहल
Monoethylene Glycol (MEG) – मोनोइथिलिन ग्लाइकोल (एमईजी)
Phenol – फिनोल
Acetic acid – एसिटिक एसिड (एसीटिक अम्ल)
Vinyl acetate monomer – विनाइल एसिटेट मोनोमर
Purified Terephthalic Acid (PTA) – शुद्ध टेरेफ्थालिक एसिड (पीटीए)
Ethylenediamine – इथिलिनडायमिन
Di Ethanolamine and Mono Ethanolamine – डाइ इथानोलअमिन र मोनो इथानोलअमिन
Toluene di-isocyanate – टोलुइन डाइ–आइसोसाइनेट
Ammonium nitrate – अमोनियम नाइट्रेट
Linear alkylbenzenes – लिनियर अल्किलबेन्जिन
Polymers of ethylene (including Ethylene-vinyl acetate) – इथिलिनका पोलिमर (इथिलिन–विनाइल एसिटेट सहित)
Polypropylene – पोलिप्रोपाइलिन
Polystyrene – पोलिस्टाइरिन
Styrene-acrylonitrile (SAN) – स्टाइरिन–एक्राइलोनाइट्राइल (SAN)
Acrylonitrile-butadiene-styrene (ABS) – एक्राइलोनाइट्राइल–बुटाडाइन–स्टाइरिन (ABS)
Polyvinyl Chloride (PVC) – पोलिभिनाइल क्लोराइड (पीभीसी)
Polytetrafluoroethylene – पोलिटेट्राफ्लोरोइथिलिन (टेफ्लोन)
Polyvinyl acetate – पोलिभिनाइल एसिटेट
Polyvinyl alcohol – पोलिभिनाइल अल्कोहल
Poly (methyl methacrylate) – पोलि (मेथाइल मेथाक्रिलेट)
Polyoxymethylene (POM- acetal) – पोलिअक्सिमेथिलिन (पीओएम–एसिटल)
Polyols – पोलिओल्स
Polyether Ether Ketone (PEEK) – पोलिइथर इथर केटोन (पीईईके)
Epoxy resins – इपोक्सी रेसिन
Polycarbonates – पोलिकार्बोनेट
Alkyd resins – एल्काइड रेसिन
Poly ethylene terephthalate (PET) Chips – पोलिइथिलिन टेरेफ्थालेट (पीईटी) चिप्स
Unsaturated polyester resins – असन्तृप्त पोलिएस्टर रेसिन
Poly butylene terepthalate – पोलिब्युटिलिन टेरेफ्थालेट
Formaldehyde, Urea formaldehyde, Melamine formaldehyde, Phenol formaldehyde – फर्माल्डिहाइड, युरिया फर्माल्डिहाइड, मेलामाइन फर्माल्डिहाइड, फिनोल फर्माल्डिहाइड
Polyurethanes – पोलियुरेथेन
Polyphenylene sulphide (PPS) – पोलिफेनिलिन सल्फाइड (पीपीएस)
Poly butadiene – पोलिबुटाडाइन
Styrene butadiene – स्टाइरिन–बुटाडाइन सामाग्री रहेका छन ।
स्रोत : केन्द्रबिन्दु
सम्बन्धित खबर
