प्रचण्डको बेईजिङ कनेक्सन , कम्युनिस्ट पार्टी चीन संचालित रहेको स्वीरोक्ति
एसीपी संवाददाता
१ फाल्गुन २०७८, आईतवार ०२:२२ मा प्रकाशित
नेपालमा कम्युनिस्ट पार्टीहरुको जड़ चीनबाट प्रभावित रहेको आम जनधारणाको बीच नेताहरुको पनि स्वीकारोक्ति हुन थालेको छ ।
चीनको कम्युनिस्ट सरकारले नेपालमा आफ्नो प्रभुत्व स्थापनाका लागि माओवादी जनयुद्ध गराएको आरोपहरु पनि बेलाबखत लागिरहेको हुन्छ । नेपालमा राष्ट्रीयता बेचिसकेका नेताहरुको हालिमुहाली रहेको आरोप लाग्ने गरेको छ ।
राजदरबार हत्याकाण्ड देखि कथित गणतंत्र सम्मको बाटो बिदेशी ईशारामा हिंडिएको कुरो बिभिन्न प्रमाणहरुले पुष्टिकरण हुन थालेको छ । नेपालका हरेक राजनैतिक दलहरु कुनै न कुनै बिदेशी शक्तिको लबिंगमा सञ्चालन भैरहेको दाबी राजावादी पक्षहरुले गर्दै आएका छन ।
यही बिच तराई मधेस केन्द्रित दलका नेताले मधेसवादी दलहरू विदेशी शक्तिले बनाएका हुन् भन्ने माओवादी अध्यक्ष पुष्पकमल दाहालको अभिव्यक्तिको निन्दा गरेका छन् । सँगसँगै उनीहरूले दाहाल नै चीनबाट सञ्चालित भएको आरोप पनि लगाएका छन् ।
दाहालले बिहीबार एक सार्वजनिक कार्यक्रममा मधेस केन्द्रित दलहरू विदेशी शक्तिले बनाएको आरोप लगाएका थिए । दाहालले शान्तिसम्झौतापछि सिंगो मधेस माओवादीमय भएको र यसबाट आत्तिएका विदेशी शक्तिले मधेस केन्द्रित दलहरू बनाएको आरोप लगाएका थिए ।
जनता समाजवादी पार्टीका नेता मनिष सुमनले दाहालबाट यस्तो अभिव्यक्ति आउनु अत्यन्त खेदजनक र दुर्भाग्यपूर्ण भएको बताउँदै भने, ‘दाहाल आफैं विदेशबाट सञ्चालित छन् । उनी चीनबाट सञ्चालित नेता हुन् ।’ आफूहरू राष्ट्रियताप्रति हृदयदेखि नै प्रतिबद्ध भएको बताउँदै सुमनले थपे, ‘यो देशको मूल नेपाली भनेको हामी हौं । हामी कतैबाट सञ्चालित छैनौं । आफ्नो माटोप्रति प्रतिबद्ध छौं ।’
दाहालको बोलीको ठेगान नभएको आरोप पनि उनले लगाए। ‘उहाँले कुन बेला के भन्नुहुन्छ, पत्तै हुन्न। उहाँको बोलीको ठेगान हुँदैन। विदेशबाट सञ्चालित भएको व्यक्तिको बोली यस्तै हुन्छ’, उनले भने।
यसैगरी लोकतान्त्रिक समाजवादी पार्टीका कार्यकारिणी समिति सदस्य केशव झाले दाहालको पार्टीको नाम विदेशी व्यक्तिहरूको नामबाट राखिएको बताउँदै भने, ‘हामीले विदेशी नामबाट पार्टीको नाम राखेका छैनौं। उहाँहरूले माओ, लेनिन, स्टालिनजस्ता विदेशी व्यक्तिको नामबाट पार्टीको नाम राख्नुभएको छ।’
हिंदू राष्ट्र नेपाल लाई षड़यंत्र पुर्वक धर्म निरपेक्ष बनाएको प्रति जनता आक्रोशित रहेकोले पनि अहिले सताधारी दलकै नेताहरुले यसमा पुनर्विचार का लागि आवाज उठाउन थालेका छन ।
सम्बन्धित खबर
