ड्र्यागन संग सम्बन्ध बिग्रीदै ? पाकिस्तानमा चिनियाँमाथि चौथो आतंकवादी हमला, ३ जनाको मृत्यु
एसीपी संवाददाता
१३ बैशाख २०७९, मंगलवार ११:४२ मा प्रकाशित
एजेन्सी न्युज – पाकिस्तानमा फेरि एकपटक चिनियाँ नागरिकमाथि आक्रमण भएको छ । पाकिस्तानी सञ्चारमाध्यमका अनुसार सिन्धको कराँची विश्वविद्यालयमा रहेको कन्फ्युसियस इन्स्टिच्युट नजिक एउटा भ्यान नजिकै भएको विस्फोटमा चिनियाँ नागरिकसहित चार जनाको मृत्यु भएको छ । घाइतेहरुलाई नजिकैको अस्पतालमा भर्ना गरिएको छ ।
रिपोर्टका अनुसार निशाना बनाइएका चिनियाँ नागरिकहरू चिनियाँ भाषाका शिक्षक थिए र उनीहरूलाई रेन्जर्सका कर्मचारीहरूले सुरक्षा दिएका थिए। यी रेन्जरहरू मोटरसाइकलमा सवार भ्यानलाई एस्कर्ट गर्दै चिनियाँ शिक्षकहरूको सुरक्षा गरिरहेका थिए। सिन्धका मुख्यमन्त्री मुराद अली शाहले घटनाको जानकारी लिए पनि अधिकारीहरूले अहिलेसम्म यस विस्फोटको बारेमा टिप्पणी गरेका छैनन्।
कराँची विश्वविद्यालयमा बुर्का लगाएकी महिला विष्फोट भएको हो जसमा , ३ चिनियाँसहित ४ जनाको मृत्यु भएको हो ।
पाकिस्तानमा चिनियाँ नागरिकलाई निशाना बनाएको यो पहिलो पटक भने होइन। पाकिस्तानमा चिनियाँ अहिलेसम्म नागरिकमाथि कति पटक हमला भएको छ
23 नोभेम्बर 2018
यसै दिन कराँचीस्थित चिनियाँ महावाणिज्य दूतावासमा हमला भएको थियो । यस आक्रमणमा ४ जनाको मृत्यु भएको थियो । जसमा २ प्रहरी र २ पाकिस्तानी नागरिकको मृत्यु भएको थियो । घण्टासम्म चलेको कारबाहीमा तीनै आक्रमणकारी मारिएका थिए । यस हमलामा चिनियाँ नागरिक घाइते वा मारिएका थिएनन।
घटनापछि चिनियाँ विदेश मन्त्रालयले कूटनीतिक एजेन्सीहरूमाथि हुने कुनै पनि हिंसात्मक आक्रमणको चीनले कडा निन्दा गरेको बताएको थियो। चीनले आक्रमणका बाबजुद चीन–पाकिस्तान आर्थिक करिडोर परियोजना अघि बढ्ने बताएको थियो । त्यस समयमा, पाकिस्तानमा चिनियाँ दूतावासका नियोगका उपप्रमुख झाओ लिजियानले आक्रमणको जवाफमा “समयमै र उपयुक्त कारबाही” गरेकोमा पाकिस्तानी सेना र पुलिसको प्रशंसा गरेका थिए ।
२० अगस्ट २०२१
यस दिन बलुचिस्तानको ग्वादर ईस्ट बे एक्सप्रेसवे परियोजनामा चिनियाँ कर्मचारीहरूलाई आत्मघाती आक्रमणकारीले आक्रमण गरेको थियो। आक्रमणमा एक चिनियाँ नागरिक घाइते भएका छन् भने दुई स्थानीय बालबालिकाको मृत्यु भएको छ ।
आक्रमणपछि चीनले पाकिस्तानसँग घाइतेको उचित उपचार गर्न, आक्रमणको गहिरो अनुसन्धान गर्न र दोषीलाई कडा कारबाही गर्न माग गरेको बताएको थियो । यससँगै चीनले हालै पाकिस्तानको सुरक्षा अवस्था गम्भीर भएको बताएको छ । पाकिस्तानस्थित चिनियाँ दूतावासले चिनियाँ नागरिकलाई सचेत रहन आग्रह गरेको थियो ।
14 जुलाई 2021
खैबर पख्तुनख्वाको माथिल्लो कोहिस्तान जिल्लाको दासु हाइड्रोपावरमा कार्यरत चिनियाँ कामदार चढेको बसमा आक्रमण भएको छ । यस हमलामा ४ पाकिस्तानी नागरिक र ९ चिनियाँसहित कुल १३ जनाको मृत्यु भएको थियो । यस आक्रमणमा २८ जना घाइते भएका छन् । यो हमलापछि चीनले पाकिस्तानको कडा आलोचना गरेको छ ।
सम्बन्धित खबर
