बिरोध प्रदर्शनको रिपोर्टिङ गर्दा चीनबाट बीबीसी पत्रकार पक्राउ
एसीपी संवाददाता
१४ मंसिर २०७९, बुधबार ०७:५२ मा प्रकाशित
एजेन्सी, मंसिर । चीनको सांघाईमा जीरो कोभिड नीतिको विरोधमा भएको प्रदर्शनको रिपोर्टिङ गरिरहेको बीबीसी पत्रकारलाई प्रहरीले पक्राउ गरेको छ । बीबीसीले आफ्ना पत्रकारलाई यसरी पक्राउ गरेकोमा कडा शब्दमा निन्दा गरेको छ ।
बीबीसीले पत्रकारलाई चिनियाँ अधिकारीहरूले गरेको दुर्व्यवहारप्रति पनि चिन्ता व्यक्त गरेको छ। पत्रकारलाई सांघाईमा भएको विरोध प्रदर्शनको रिपोर्टिङ गर्दा प्रशासनले पक्राउ गरेको थियो। उनलाई हतकडी लगाएर कुटपिट गरिएको थियो ।
बीबीसीको अनुसार पत्रकारलाई प्रहरीले केही घण्टासम्म हिरासतमा राखेको थियो र त्यसपछि रिहा गरेको थियो। अन्तर्राष्ट्रिय सञ्चारमाध्यमका अनुसार यसैबीच चीनका धेरै सहरहरूमा सरकारको शून्य कोभिड नीतिको विरुद्धमा व्यापक विरोध प्रदर्शन जारी छ। यी सबैमा राष्ट्रपति सी चिनफिङलाई पदबाट हटाउन माग भइरहेको छ।
सम्बन्धित खबर
