लकडाउनका कारण लामो समयदेखि घरमै बसेका,संक्रमित बालबालिकालाई खेल सामग्री प्रदान
एसीपी संवाददाता
३० बैशाख २०७७, मंगलवार १३:०७ मा प्रकाशित
लकडाउनका कारण लामो समयदेखि घरमै बसेका बालबालिकाका लागि पनि अब केही सोच्नुपर्छ, बालबालिकाका क्षेत्रमा काम गर्ने संघसंस्था तथा स्थानीय सरकारका वीचमा सहयोग आदान प्रदान शुरु भएको छ ।
यसै क्रममा मंगलबार रुसुफ नेपाल र स्वतन्त्रता अभियानले बाँकेका कोरोना संक्रमित बालबालिकालाई खेल सामग्री प्रदान गरेका छन् ।
खजुराको सुशील कोइराला प्रखर क्यान्सर अस्पतालमा बनाइएको आइसोलेसन वार्डमा उपचाररत बालबालिकाका लागि रुसुफ नेपालका अध्यक्ष मुस्ताक अली राईले खजुरा गाउँपालिकाका अध्यक्ष किष्मत कुमार कक्षपतिलाई आज ती सामग्री हस्तान्तरण गर्नुभएको हो । लुडो, बल, प्ले डग, कलारिङ बुक, डल, स्टोरी बुक लगायतका सामग्री प्रदान गरिएको छ । आइसोलेसनमा बस्दा बालबालिकालाई मनोवैज्ञानिक असर नपरोस् र समय ब्यतित गर्न सहज होस् भनेर आफूहरुले खेल सामग्री सहयोग गरेको राईले बताउनुभयो । दुबै संस्थाले आज संयुक्तरुपमा १० हजार मूल्य बराबरका खेल सामग्री प्रदान गरेका हुन् ।
सम्बन्धित खबर
भ्रस्टाचारी लाई जनताले पाठ सिकाएका हुन – मोदी
७ मिनेट अगाडि
इकोसिखले ८५० पवित्र वनमा वृक्षारोपण गर्यो
१६ मिनेट अगाडि
गाजा पट्टीमा भारी बमबारी
१ घण्टा अगाडि