९ आश्विन २०८३, शुक्रबार
कपिलवस्तुमा कांग्रेस नेता अधिवेशनकै संघारमा पक्राउ
एसीपी संवाददाता
८ आश्विन २०८३, बिहीबार २२:२३ मा प्रकाशित
रुपन्देही — कपिलवस्तुमा नेपाली कांग्रेस बाणगंगा नगर समितिका निवर्तमान सचिव सूर्य बराल बैंकिङ कसुर मुद्दामा पक्राउ परेका छन् । हिजो अधिवेशनको दिन अध्यक्षको दाबी गर्दै आएका बराल पक्राउ परेका हुन् ।
जिल्ला अदालत कपिलवस्तुको विभिन्न मितिमा भएको फैसलाका आधारमा बराललाई पक्राउ गरेर अदालतमा बुझाएको इलाका प्रहरी कार्यालय पिपराका प्रहरी निरीक्षक कालिका कार्कीले जानकारी दिइन् ।
उनले अदालतलाई बुझाएपछि बाँकी प्रकृयाका बारेमा जानकारी नभएको बताइन् । जिल्ला प्रहरी कार्यालय कपिलवस्तुले उनलाई पक्राउ गरी कारागार पठाएको जनाएको छ ।
पार्टीको अधिवेशनको मितिमा उनलाई पक्राउ गरिनुलाई उनी निकटस्थहरुले आश्चर्य मानेका छन् । कपिलस्तु जिल्ला अदालतले उनलाई तीन दिन कैद तथा ७ लाख जरिवानाको सजाय फैसला गरेको थियो ।
Subscribe
Login
0 Comments
सम्बन्धित खबर
