भारतको जम्मु कस्मिरमा आतंककारी सफाया जारी
एसीपी संवाददाता
१२ पुष २०७८, सोमबार ०२:४३ मा प्रकाशित
१२ गते पौष २०७८ – काश्मिर । शोपिया जिल्लाको चौगाम क्षेत्रमा सुरक्षाबलहरू र आतङ्कीहरूबीच शनिबार बिहान भएको एक भिड़न्तमा सुरक्षाबलहरूले दुई आतङ्कीलाई मारेको छ।
दुवै आतङ्की लश्कर-ए-तैयबा आतङ्की संगठनसित सम्बन्धित थिए। मारिएका दुवै आतङ्कीको अहिले आधिकारिक रूपमा पहिचानको पुष्टि गरिएको छैन तर दुवै स्थानीय आतङ्की बताइएका छन् र यिनीहरूको पहिचान ब्रारीपोरा शोपिया निवासी सज्जाद अहमद चेक र आचन पुलवामा निवासी राजा बासित नजीरको रूपमा गरिएको छ।
आतङ्कीहरूको शवको साथ सुरक्षाबलहरूले हतियार र गोलाबारूद तथा संगिद्ध समान पनि उद्धार गरेको छ। शनिबार बिहान पुलिसलाई आफ्नो सूत्रहरूबाट जिल्लाको चौगाम क्षेत्रमा आतङ्कीहरूको उपस्थितिको ठोस सूचना प्राप्त भयो। सूचना पाउनसाथ एसओजी, सेनाको 44 आरआर बटालियन तथा सीआरपीएफको संयुक्त दलले क्षेत्रलाई घेरेर खोजी अभियान शुरू गऱ्यो।
खोजी अभियानमा क्षेत्रमा लुकेका आतङ्कीहरूले सुरक्षाबलहरूलाई आफूतिर आएको देखी गोलीबारी शुरू गरे, जसपछि भिड़न्त शुरू भयो। भिड़न्त शुरू हुनअघि सुरक्षाबलहरूले आतङ्कीहरूलाई आत्मसमर्पणको अवसर दियो तर जब उनीहरू मानेनन् तब सुरक्षाबलहरूको जवाबी कारबाहीमा लश्करका दुवै आतङ्की मारिए।
आतङ्कीहरूको मृत्युपछि सुरक्षाबलहरूले क्षेत्रमा खोजी अभियान चलायो र आतङ्कीहरूको शवहरू सहित हतियार र गोलाबारूद बरामद गरियो। क्षेत्रको पूरा छानबीन गरेपछि सुरक्षाबलहरूले यो अभियान समाप्त गरेको छ।
सम्बन्धित खबर
