चिनियाँ टेलिकम माथि अमेरिकाको प्रतिबन्ध
एसीपी संवाददाता
११ कार्तिक २०७८, बिहीबार २३:५७ मा प्रकाशित
११ गते कात्तिक २०७८ । अमेरिकाले चिनियाँ टेलिकम कम्पनी चाइना टेलिकममाथि प्रतिबन्ध लगाएको छ ।
राष्ट्रिय सुरक्षाको जोखिमको कारण देखाउँदै अमेरिकाले चाइना टेलिकमको अनुमतिपत्र खारेज गर्ने निर्णय गरेको बीबीसीले जनाएको छ । सो निर्णयसँगै चाइना टेलिकमले अबको ६० दिनमा अमेरिकामा आफ्नो सेवा बन्द गर्नुपर्नेछ ।
चीनको सरकारी नियन्त्रणमा रहेको कम्पनीले आफ्नो अमेरिकाको सञ्चारमा पहुँच दिने, डेटा डेटा स्टोर गर्ने, अवरोध सिर्जना गर्नेजस्ता कार्य हुन सक्ने अमेरिकाको भनाइ छ ।
अमेरिकाले आफूविरुद्ध हुन सक्ने हानिकारक गतिविधि नियन्त्रणका लागि यो कदम चालिएको बताएको छ । करिब २० वर्षदेखि चाइना टेलिकमले अमेरिकामा सेवा दिँदै आएको छ ।
कम्पनीले अमेरिकाको निर्णय दुःखद् भएको प्रतिपक्रया दिएको छ । कम्पनीले अमेरिकामा आफ्नो सेवा जारी राख्न सक्दो प्रयास गर्ने पनि बताएको छ ।
चाइना टेलिकमका विश्वका ११० मुलुकमा लाखौं प्रयोगकर्ता छन् । यसअघि अमेरिकी अर्थमन्त्री जनेत एलेनले चिनियाँ उपप्रधानमन्त्री लिउ हेसँग विश्व अर्थतन्त्रको विषयमा कुराकानी गर्नुभएको थियो । एजेन्सी
सम्बन्धित खबर
