४ आश्विन २०८३, आईतवार
आफन्तको नजिक हुन नसक्ने रहर देखेको छु
एसीपी संवाददाता
२२ बैशाख २०७८, बुधबार १०:३४ मा प्रकाशित
- अमर बहादुर माझी मैले मान्छेले मान्छेलाई नछुने शहर देखेको छु ।
आफन्तको नजिक हुन नसक्ने रहर देखेको छु ।
भाग्नुपर्ने मानव बाट नै ज्यान जोगाउन,
मैले वायु, पानी अनी रविमा जहर देखेको छु ।
घर, गाउँ समाज अनी ठुला- ठूला महल बने,
फेरि मान्छे गाउ तर्फ भागेको लहर देखेको छु ।
दिनलाई रात, रातलाई दिन बनाउन सक्ने मानवमा,
असफल विज्ञान अनि मानवको खण्डहर देखेको छु ।
हे मानव प्रकृति प्रकृति नै हो यसलाई बदल्न सकिँदैन,
लाशले भरिएको खोला किनार अनी नहर देखेको छु ।
मैले मान्छेले मान्छेलाई नछुने शहर देखेको छु ।
आफन्तको नजिक हुन नसक्ने रहर देखेको छु ।
Subscribe
Login
0 Comments
सम्बन्धित खबर
नेपालगञ्जमा ३५.९०० ग्राम खैरो हेरोइनसहित दुई जना पक्राउ
११ घण्टा अगाडि
