चिनियाँ ग्रुपसंग मिलेर ठगी गर्ने नेपाली सहित ४ जना भारतको जयपुरमा पक्राउ
एसीपी संवाददाता
१० असार २०८२, मंगलवार १८:१५ मा प्रकाशित
जयपुर – राजस्थानको राजधानी जयपुरमा साइबर प्रहरीले एक ठूलो अन्तर्राष्ट्रिय साइबर ठगी गिरोहको पर्दाफास गरेको छ। जसमा नेपाल र चीनसँग जोडिएको यो गिरोहले देशभर २४.३ करोड रुपैयाँ ठगी गरेको खुलासा भएको छ।
प्रहरीले चार जना ठगी गर्नेहरूलाई पक्राउ गरेको छ र उनीहरूको कब्जाबाट १२ वटा मोबाइल फोन, एउटा ल्यापटप र तीन वटा बैंक चेकबुकहरू बरामद गरेको छ। यो गिरोहले टेलिग्राम मार्फत चिनियाँ अपराधीहरूसँग मिलेर काम गर्थ्यो र अनलाइन व्यापार र गेमिङको नाममा मानिसहरूलाई ठगी गर्ने कामना सक्रिय थिए ।
गिरोहका प्रमुख लाल दोर्जे तामाङ नेपालका बासिन्दा हुन्। उनी चिनियाँ साइबर अपराधीहरूलाई २.५ देखि ८ प्रतिशत कमिसनमा बैंक खाता उपलब्ध गराउँथे। लाल दोर्जेले खातावालहरूको मोबाइल फोनमा खतरनाक जासूसी एप इन्स्टल गर्थे, जसले गर्दा चिनियाँ गिरोहलाई फोनको पूर्ण नियन्त्रण मिल्थ्यो। उसले कमिशन रकम डिजिटल मुद्रा USDT मा प्राप्त गर्ने गरेको स्वीकार गरेको छ । सोधपुछका क्रममा उनले ४०-५० लाख रुपैयाँ कमाएको स्वीकार गरेका हुन ।
लाल दोर्जेले आफ्ना पार्टनर सुजल तामाङसँग मिलेर खाता धारकहरूलाई जयपुरको होटल संजय प्यालेसमा बस्न लगाउँथे र उनीहरूको फोनमा जासूसी एप इन्स्टल गराउँथे। पवन जैन र अबु शाहमा दिल्लीका बासिन्दा हुन्, जो दुबईमा बस्ने सुष्मा नामकी महिलाको निर्देशनमा काम गर्थे। यी व्यक्तिहरूले खातावालहरूलाई प्रलोभनमा पारेर उनीहरूबाट बैंक खाता, सिम र इमेलहरू प्राप्त गर्थे। यो गिरोहले आन्ध्र प्रदेश, उत्तर प्रदेश, केरला, कर्नाटक, तमिलनाडु र तेलंगानामा दर्जनौं मानिसहरूलाई ठगी गरेको जानकारी प्रहरीलाई प्राप्त भएको हो ।
सम्बन्धित खबर
खेलकुद र समाजको सम्बन्धबारे नेपालगन्जमा विमर्श
४ दिन अगाडि
