पश्चिम नवलपरासीमा ८० हजार मुल्य बराबरका २ वटा राँगा बरामद
एसीपी संवाददाता
११ फाल्गुन २०७७, मंगलवार १५:२३ मा प्रकाशित
उर्मिला यादव फागुन ११
जिल्ला प्रहरी कार्यालय पश्चिम नवलपरासीले भारतबाट अवैध रुपमा ल्याउदै गरेको दुई वटा राँगा बरामद गरेको छ । प्रहरीका अनुसार सिमा प्रहरी चौकी महेशपुरबाट खटिएको प्रहरी टोलीले आज बिहान भारतबाट भन्सार छली अवैध रुपमा डोहोर्याउदै ल्याउदै गरेको अवस्थामा सरावल गाँउपालिका वडा नं. ५ वडहरा दुवौलिया बाट बरामद गरेको हो । बरामद राँगा डोरीले डोहोर्याउदै ल्याउदै गर्दा प्रहरी टोलीलाई देखि राँगा छाडि मानिस भागेको प्रहरीले जनाएको छ । बरामद भएको राँगाको प्रति जिउ (गोटा) ४० हजारका दरले ८० हजार मुल्य बराबर रहेको छ । बरामद दुवै राँगा आजै आवश्यक कारवाहीको लागि महेशपुर भन्सार कार्यालयमा बुझाईएको जिल्ला प्रहरी कार्यालय पश्चिम नवलपरासीका प्रहरी नायब उपरीक्षक राजु लामाले जानकारी दिनुु भएको छ ।
सम्बन्धित खबर
नेपालगञ्जमा ३५.९०० ग्राम खैरो हेरोइनसहित दुई जना पक्राउ
१९ घण्टा अगाडि
