६ मंसिर २०८१, बिहीबार
प्रहरीद्वारा भारतबाट अवैध रुपमा भन्सार छलेर ल्याएका २१ लाख बढीको सामान बरामद
एसीपी संवाददाता
१६ आश्विन २०८१, बुधबार १२:५५ मा प्रकाशित
नेपालगञ्ज : जिल्ला प्रहरी कार्यालय बाँकेले भारतबाट अवैध रुपमा भन्सार छलेर ल्याएका २१ लाख बढीका सामान बरामद गरेको छ । प्रहरीले नेपालगञ्जका विभिन्न ठाउँबाट उक्त सामान बरामद गरेको हो ।
भारतबाट अवैध रुपमा भन्सार छलेर ल्याइएका सामानहरु नेपालगञ्ज उपमहानगरपालिका ४ न्यूरोड र नेपालगञ्ज उपमहानगरपालिका १ धम्बोझीबाट बरामद गरेको बाँके प्रहरीले जनाएको छ ।
प्रहरीले न्यूरोडबाट ११ क्वीन्टल चिनी र चिनी ढुवानीमा प्रयोग भएको रा १ च ७२० नम्बरको पिकअप गाडी बरामद गरेको हो । गाडीसहित उक्त चिनीको मूल्य अन्दाजी २० लाख ८८ हजार रुपैयाँ छ । त्यसैगरी अन्दाजी ४९ हजार ७०० रुपैयाँ बराबरको धम्बोझीबाट कुर्तासुरुवाल र बच्चाको जुत्ता बरामद गरिएको प्रहरीले जनाएको छ ।
चिनी, चिनी ल्याउन प्रयोग गरिएको पिकअप गाडी, कुर्तासुरुवाल र जुत्ता गरी २१ लाख ३७ हजार ७०० रुपैयाँ बराबरका सामानहरु आवश्यक कारबाहीका लागि नेपालगञ्ज भन्सार कार्यालयमा पठाइएको बाँके प्रहरीले जनाएको छ ।
Subscribe
Login
0 Comments
सम्बन्धित खबर
प्रधानमन्त्रीले बोलाए मन्त्रीपरिषदको बैठक
२ घण्टा अगाडि
