भारतको सिरम कम्पनीको खोप कोभिशिल्ड लगाउन माल्दिभ्स सरकारद्वारा अनुमति
एसीपी संवाददाता
१९ माघ २०७७, सोमबार १६:३० मा प्रकाशित
एजेन्सी- कोभीड १९ कोरोनाविरुद्धको भारतको सिरम कम्पनीको खोप कोभिशिल्ड लगाउन माल्दिभ्स सरकारले पनि अनुमति दिएको छ ।
माल्दिभ्स खाद्य तथा औषधि प्राधिकरण(एमएफडीए)ले भारतको सेरम इस्टिच्युट जुन कि बिश्वमै धेरै खोप उप्त्पादन गर्ने कम्पनी मध्य एक रहेकोले उसले बनाइएको खोप लगाउन अनुमति दिएको हो ।
तेहाको स्थानीय सञ्चार माध्यमहरूका अनुसार अत्यावश्यक तथा आपतकालीन अवस्थामा मात्रै सो खोप लगाउन अनुमति दिइएको हो ।
खोप विकास गरेका कम्पनीहरुले नै कोभिशिल्ड खोप आपतकालीन अवस्थामा मात्रै लगाउनु पर्ने बताएकाले आपतकालीन अवस्थाका लागि मात्रै स्वीकृति दिइएको एमएफडीएले जनाएको छ ।
त्यसैगरी १८ वर्षभन्दा कम उमेरका व्यक्ति र गर्भवती महिलालाई पनि यो खोप लगाउन नहुने चिकित्सकहरूले बताएका छन् ।
कोभिशिल्ड खोप लगाएका व्यक्तिमा फरक फरक खालको अप्रत्यक्ष असरहरू देखिन सक्ने र यसबाट डराउन भने नपर्ने चिकित्सकहरुको भनाइ छ । माल्दिभ्सलाई यही जनवरी २० मा भारतले एक लाख खोप दिएको छ ।
सम्बन्धित खबर
