भारतीय सहयोगमा निर्माण गरिएको विद्यालय भवनको उद्घाटन
एसीपी संवाददाता
३१ भाद्र २०७८, बिहीबार १५:१९ मा प्रकाशित
३१ गते भदौ २०७८ बिहीबार । मकावनपुरको लिटी खोला, फापरबारीमा । भारतीय सहयोगमा निर्माण गरिएको श्री बागमती निम्न माध्यमिक विद्यालय भवनको उद्घाटन भएको छ ।
बिहीबार मकवानपुर जिल्ला समन्वय समितिका पदाधिकारी, विद्यालय व्यवस्थापन समितिका पदाधिकारी र वीरगञ्जस्थित भारतीय महावाणिज्यदूत नितेश कुमारले सँयुक्त रुपमा भवन उद्घाटन गरेका हुन् ।
विद्यालय भवनको उद्घाटन भारत सरकारद्वारा स्वतन्त्रताको ७५ औँ वर्षगाँठ मनाउन ‘आजादी का अमृत महोत्सव’ का अवसरमा गरिएको हो ।
८० लाख नेपाली रुपैयाँमा लगातमा बनेको भवनमा भारतले फर्नीचर, सरसफाइ संशाधन पनि अनुदान सहयोग गरेको छ । यो विद्यालय भवन निर्माण सम्बन्धी सम्झौतालाई उच्च महत्व दिइएको थियो ।
श्री बागमती निम्न माध्यमिक विद्यालय २०४६ सालमा मकवानपुर जिल्लाको लिट्टी खोलामा प्राथमिक विद्यालयको रूपमा स्थापना भएको थियो । २०६४ सालमा निम्न माध्यमिक विद्यालयको रूपमा स्तरोन्नति भएको यो विद्यालयमा ३५५ विद्यार्थीहरु पठनपाठन गरिरहेका छन् ।
सम्बन्धित खबर
