मुलुकमा महिला हिंसा बढ्दै गएको भन्दै सरोकारवालासंग छलफल
एसीपी संवाददाता
३ फाल्गुन २०७७, सोमबार ०३:१२ मा प्रकाशित
राष्ट्रियसभा अन्तर्गतको राष्ट्रिय सरोकार तथा समन्वय समितिले मुलुकमा महिला हिंसा बढ्दै गएको भन्दै सरोकारवालासंग छलफल गरेको छ ।
आइतबार सिंहदरबारमा बलात्कार, हत्या लगाएतका हिंसाका घटनालाई न्युनिकरण तथा पूर्णरुपमा अन्त्य गर्ने प्रयासका बिषयमा सरोकारवालासंग सुझाव पनि लिएको छ । छलफलमा सहभागी सरकोकारवाला निकायका प्रतिनिधिहरुले महिला हिंसामा संलग्नलाई कारवाही गर्न कडा कानुन बनाउनुपर्नेमा जोड दिएका थिए ।
कमजोर कानूनकै कारण अपराधीहरु स्वतन्त्र रुपमा खुलेआम हिडिरहेको भन्दै उनीहरुले हदैसम्मको कारवाहीको व्यवस्था कानूनमा राखिनुपर्ने बताएका थिए ।
छलफलमा समितिका सभापति दिल कुमारी रावल थापा (पार्वती) ले महिला हिंसालाई सधैका लागि अन्त्य गर्ने बिषय चूनौतिको रुपमा आएको बताउनुभयो । उहाले भागिरथी हत्या देखि महिलालाई बिभेद गर्दै ल्याउन लागिएको अध्यागमन सम्बन्धी कानूनका बिषयमा पनि सरकारको ध्यानाकर्षण गराएको जानकारी दिनुभयो ।
समितिले सरोकारवाला निकायबाट आएका सुझाव, चासो र सरोकारमा सरकारी प्रतिनिधिहरुसंग छलफल गर्ने जनाएको छ ।
सम्बन्धित खबर
