चीनले निर्माण गरेको पोखरा र भैरहवा विमान स्थलमा भ्रष्टाचार , अख्तियारको छापा
एसीपी संवाददाता
१६ आश्विन २०८१, बुधबार १७:२५ मा प्रकाशित
काठमााडौं । नागरिक उड्डयन प्राधिकरणको केन्द्रीय कार्यालय सिनामंगलमा अख्तियार दुरुपयोग अनुसन्धान आयोगले छापा मारेको छ । अख्तियारले बुधबार दिउँसो प्राधिरकणको केन्द्रीय कार्यालय सिनामंगलमा छापा मारेर विमानस्थल निर्माण र भवन निर्माणसँग सम्बिन्धित कागजात नियन्त्रणमा लिएको छ ।
‘अख्तियारले विभिन्न विमानस्थल निर्माणको परियोजना र नागरिक उड्डयन प्राधिकरणको भवन निर्माणको अनियमितताबारे उजुरी अनुसन्धानको सिलसिलामा कागजात माग भएकोर सो कागजात उपलब्ध नगराएपछि छापा मारेको अख्तियार स्रोतले जानकारी दिएको छ।
संसदको सार्वजनिक लेखा समिति अन्तर्गतको दुई उपसमितिले पोखरा र भैरहवा विमानस्थल निर्माणको विषयमा छानविन गरिरहेको छ ।
उक्त छानविनले पनि विमानस्थल निर्माणमा अनिमिता भएको निकर्ष सहितको प्रतिवेदन बनाइरहेको छ ।
प्राधिरकणका महानिर्देशक प्रदीप अधिकारीले पोखरा विमानस्थल निर्माण गर्दा अनियमिता गरेको गुनासोको आधारमा अख्यिारले अनुसन्धान गरिरहेको छ । अधिकारीले अनुसन्धानका लागि थप कागजात उपलब्ध नगराएको कारण अख्तियारले छापा मारेको उल्लेख छ ।
नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलले भने विभिन्न निकायबाट उजुरी परेको जानकारी अनौपचारिक रुपमा आइरहेको र सोही विषयमा जानकारी लिन आएको हुनसक्ने बताए । उनले आफू कार्यालय बाहिर रहेकोले औपचारिक पुष्टि हुने गरी प्राधिकरण्को कार्यालयमा कोही आएको वा अख्तियारले छापा मारेको विषयषमा भने जानकारी नभएको बताए ।
अख्तियारका प्रवक्ता नरहरि घिमिरेले उड्डयअुनन प्राधिरकणमा छापा मारेको विषयमा बोल्न चाहेनन् । उनले भने ‘सम्बन्धि अनुसन्धान अधिकारीले गरिरहेको विषय सबै जानकारी हुँदैन । यो सबै मलाई थाहा हुने कुरा होइन,’ घिमिरे भने, ‘प्रवक्तालाई सबै विषय थाहा नहुने भएकोले तपाईंले सोधेको विषयमा कुनै जानकारी छैन ।’ क्लिकमनडु
सम्बन्धित खबर
प्रधानमन्त्रीले बोलाए मन्त्रीपरिषदको बैठक
४ घण्टा अगाडि
