जेनजी अभियन्ता सुदन गुरुङलाई पनि बोलाइयो शीतल निवास

एसीपी संवाददाता

२७ भाद्र २०८२, शुक्रबार १०:०३ मा प्रकाशित

राष्ट्रपति रामचन्द्र पौडेलले अन्तरिम सरकार गठनका कानुनी जटिलता फुकाउन सरोकारवालाहरूसँग परामर्श गरिरहेका छन्।
पूर्वप्रधानन्यायाधीश सुशीला कार्कीलाई अन्तरिम सरकारको नेतृत्व दिने सहमति भए पनि कानुनी जटिलता देखा परेको छ।
राष्ट्रपति कार्यालयले नयाँ प्रधानमन्त्रीको स्वागतका लागि गृह मन्त्रालयका कर्मचारीलाई तयारी अवस्थामा रहन निर्देशन दिएको थियो।

काठमाडौँ । अन्तरिम सरकार गठनमा देखिएको कानुनी जटिलता फुकाउने विषयमा राष्ट्रपति रामचन्द्र पौडेलले विभिन्न सरोकारवाला पक्षसँग परामर्श गरिरहेका छन् ।

जेनजीको माग अनुसार अन्तरिम सरकारको नेतृत्व पूर्वप्रधानन्यायाधीश सुशीला कार्कीलाई दिने सहमति भए पनि कानुनी जटिलता देखिएपछि राष्ट्रपति पौडेल परामर्शमा जुटेका हुन् ।

कानुनविद्हरुसँग परामर्श भइरहेको समयमा जेनजी अभियन्ता सुदन गुरुङलाई पनि शीतल निवास बोलाइएको छ । जेनजी प्रतिनिधिहरू पनि संविधान बमोजिम नै निकास खोज्ने विषयमा सकारात्मक रहेकोले आजै अन्तरिम सरकार गठन हुने देखिएको छ ।

राष्ट्रपति कार्यालय शीतल निवासले आज बिहान मात्र गृह मन्त्रालयका कर्मचारीलाई नयाँ प्रधानमन्त्रीको स्वागत गर्न तयार अवस्थामा रहन निर्देशन दिएको थियो । रातोपाटि

0 0 votes

Article Rating

0 Comments

Inline Feedbacks

View all comments

जेनजी अभियन्ता सुदन गुरुङलाई पनि बोलाइयो शीतल निवास

एसीपी संवाददाता

सम्बन्धित खबर