भारतको सबैभन्दा मनपर्ने एसेसरिज ब्रान्ड पेबल अब नेपाली बजारमा
एसीपी संवाददाता
२८ बैशाख २०७९, बुधबार ००:५२ मा प्रकाशित
पेबल एलाइड ट्रेड लिंक इन्टरनेसनलसँगको साझेदारीमा नेपालमा उपलब्ध हुने भएको छ ।
उक्त साझेदारीअनुसार पेबलका नयाँ उत्पादन स्मार्ट घडी र फिटनेस ट्र्याकरहरू चाँडै नै नेपालका सबै रिटेल स्टोर र अनलाइन पोर्टलहरूमा उपलब्ध हुने भएको छ ।
स्मार्ट घडीहरूका साथसाथै, तिनीहरूको उच्च गुणस्तरको TWS इयरपडहरू, स्पिकरहरू र अन्य सामानहरू पनि उपलब्ध हुनेछन् ।
भारतमा पेबलले भर्खरै तीनवटा नयाँ कोसमोस प्रो, रिभो र लिप स्मार्टवाचहरू लन्च गरेको छ । यी प्रत्येक घडी फरक प्रयोगकर्ताको आवश्यकताका लागि बनाइएको छ । यी तीनवटै उत्पादनहरू आ–आफ्नो श्रेणीमा सर्वाधिक बिक्रेता हुन् र चाँडै नै नेपाली बजारमा उपलब्ध हुनेछन् ।
हाल ग्राहकले पेबल उत्पादनहरू खरिदका लागि दराज, स्मार्ट डोको र सेलपेमा अर्डर गर्न सक्नेछन् । भारतमा सबैभन्दा छिटो बढ्दो जीवनशैली इलेक्ट्रोनिक्स ब्रान्डहरूमध्ये एक हो पेबल । यो सबैभन्दा धेरै बिक्री हुने घरेलु स्मार्ट पहिरन योग्य ब्रान्डहरूमध्ये एक हो ।
सम्बन्धित खबर
