नेपालमा चीनले बनाएको विमानस्थलमा भारतक प्रधानमन्त्री नरेन्द्र मोदी अवतरण नगर्ने
एसीपी संवाददाता
२८ बैशाख २०७९, बुधबार ०२:५४ मा प्रकाशित
एजेन्सी – नेपालमा चीनले बनाएको विमानस्थलमा भारतक प्रधानमन्त्री नरेन्द्र मोदी अवतरण नगर्ने, श्रोतले जनाएको छ ।
प्रधानमन्त्री मोदी लुम्बिनी विमानस्थलमा अवतरण गर्नुको सट्टा भारतको कुशीनगरमा नवनिर्मित विमानस्थलमा अवतरण गर्ने र त्यसपछि हेलिकप्टरबाट लुम्बिनी जाने बताइएको हो ।
- लुम्बिनीमा मोदीको भ्रमण कार्यतालिका
- नेपाली जति बिद्युत उत्पादन गर्छ हामी किन्न तयार छौं – भारतीय प्रधानमन्त्री मोदि
भारतीय प्रधानमन्त्री नरेन्द्र मोदी यही जेठ २ गते लुम्बिनी आउने भएका छन् । सञ्चारमाध्यमका अनुसार नेपालका प्रधानमन्त्री शेरबहादुरले लुम्बिनीमा चीनले निर्माण गरेको अन्तर्राष्ट्रिय विमानस्थलको उद्घाटन गर्ने कार्यक्रम पनि गर्ने योजना रहेको छ । प्रधानमन्त्री मोदी लुम्बिनीको यो विमानस्थलमा अवतरण गर्नुको सट्टा भारतको कुशीनगरमा नवनिर्मित विमानस्थलमा अवतरण गर्ने र त्यसपछि हेलिकोप्टरबाट लुम्बिनीमा निर्माण गरिएको विशेष हेलिप्याडमा अवतरण गर्ने बताइएको छ । यहाँ मोदी र देउवाले लुम्बिनी क्षेत्रमा भारतीय सहयोगमा निर्माण हुन लागेको विहारको शिलान्यास गर्नेछन् ।
यसकारण मोदी लुम्बिनी विमानस्थलमा अवतरण गर्न चाहँदैनन् ?
लुम्बिनी विमानस्थल चीनले तयार पारेकाले प्रधानमन्त्री मोदी अवतरण गर्न नचाहेको विज्ञहरुको भनाइ छ । लुम्बिनीमा चिनियाँ सहयोगमा निर्माण भएको गौतमबुद्ध अन्तर्राष्ट्रिय विमानस्थल भारतीय सीमाभन्दा ६ किलोमिटर टाढा छ । १० वर्षमा करिब ४० अर्बको लागतमा यो विमानस्थल निर्माण भएको काठमाडौं पोस्टको प्रतिवेदनमा उल्लेख छ । नेपालका लागि यो अन्तर्राष्ट्रिय एयरपोर्टमा चिनियाँ अन्त सम्म झुलाएका थियो । पटक पटक समयसीमा मागेकोले लगानीमा समेत असर परेको हो ।
विमानस्थलको उद्घाटनका लागि चीनबाट प्रतिनिधिमण्डल आउने जानकारी आएको नेपाली उच्च अधिकारीले काठमाडौं पोष्टसँगको कुराकानीमा बताएका छन् । यस्तो अवस्थामा भारत त्यो दिन लुम्बिनी विमानस्थल प्रयोग गर्न चाहँदैन । गौतम बुद्ध अन्तर्राष्ट्रिय विमानस्थल काठमाडौंपछि नेपालको दोस्रो अन्तर्राष्ट्रिय विमानस्थल हो ।
बुद्ध सर्किटलाई लिएर नेपाल र भारतबीचको मतभेद ?
बुद्ध सर्किटको प्रवद्र्धन गर्न भारत र नेपाल साँच्चै एकजुट भएनन् भन्ने प्रतिवेदनले देखाएको छ। नोभेम्बर २०१८ मा, भारतले विश्व बैंकसँग भारतमा बुद्ध सर्किटको विकास र प्रवद्र्धन गर्न अर्बौं डलरको परियोजनामा काम गरिरहेको बेला नेपालका पूर्व पर्यटनमन्त्री ट्रान्स हिमालयन बुद्धिस्ट सर्किट विकास गर्न चीनलाई प्रस्ताव गरेका थिए। ।
नेपाल र भारतबीच हवाई सम्पर्कको विषयमा पनि विवाद
नेपालका प्रधानमन्त्री शेरबहादुर देउवाले गत वैशाखमा भारत भ्रमण गर्दा लुम्बिनीको गौतमबुद्ध अन्तर्राष्ट्रिय विमानस्थल सञ्चालनका लागि भारतसँग सहयोगको अपिल गरेका थिए । यससँगै उनले नेपाल–भारतबीच नयाँ हवाई रुटको माग गरेका छन् । उनले महेन्द्रनगर, नेपालगञ्ज र जनकपुरलाई भारतसँग सीधा जोड्न माग गरेका हुन ।
सम्बन्धित खबर
