३१ जेष्ठ २०८१, बिहीबार

प्रहरी अनुसन्धानमा खुल्यो आरजु राणालाई फसाउन गरिएको षडयन्त्र, प्रलोभन देखाएर पैसा खाएको नक्कली अडियो बनाएको पुष्टि

एसीपी संवाददाता

१० जेष्ठ २०८०, बुधबार १९:३० मा प्रकाशित

काठमाडौं । नेपाली कांग्रेसकी केन्द्रीय सदस्य डा आरजु राणा देउवालाई भुटानी शरणार्थी प्रकरणमा मुछेर फसाउन खोजेको तथ्य सार्वजनिक भएको छ ।

यो प्रकरणमा अनुसन्धान गरेर सरकारी वकिल कार्यालयमा अनुसन्धान प्रतिवेदन बुझाएको प्रहरीले आरजुले पैसा लिएको भन्ने अडियो प्रलोभन दिएर बनाएको तथ्य सार्वजनिक गरेको हो ।

शरणार्थी प्रकरणका अभियुक्तहरु सन्देश शर्मा र केशव दुलालले आफ्नो वयानका क्रममा आरजु राणा देउवा र मञ्जु खाणले पैसा लिएको कुरा वास्तविक नभएको भन्दै रकम लिएको कुरा गलत भएको इन्कारी बयान दिएका छन् ।

केही समयअघि आरजु र मञ्जुको नाम जोडिएर सार्वजनिक भएको अडियोको सन्दर्भमा प्रहरीले सोधपुछ गर्दा उनीहरुले प्रलोभनमा परेर नाम मुछेको बयान दिएका हुन् । सन्देश शर्माले बयानमा भनेका छन्, ‘…तपाईंले हामीले भनेको मानिसलाई रकम बुझाएका छौँ भनि जानकारी गराइदिनु भयो भने हामी बाँच्छौँ भनि पहिले नै निजहरूको नाम लिई पैसा दिएको हो भनि भन्नु भनेको हुँदा निजहरूले भनेअनुसार आरजु देउवा तथा बालकृष्ण खाण र मञ्जुखाणको समेत नाम लिई मैले रकम बुझाएको भनि कुरा गरेको हो। उक्त कुरा वास्तविक होइन। जाहेरवालाहरूले भन्नु भनेअनुसारमात्र भनेको हुँ। मैले निजहरूलाई चिनेको छैन, चिन्दै नचिनेको व्यक्तिलाई यति धेरै रकम नगदैबिना काम दिने कुरै भएन ।’

अडियोको विषयमा दुलालले पनि रकम लिएको भनेर बोलेकोबारे थाहा नभएको बताएका छन् । आरजुले नक्कली अडियोको छानविनका लागि प्रहरीमा उजुरीसमेत दिएकी थिइन् । उनले नक्कली भुटानी शरणार्थी प्रकरणमा आफ्नो नाम मुछिएकोमा आपत्ति जनाउँदै निष्पक्ष छानविनका लागि माग गर्दै आएकी छन् । प्रहरी अनुसन्धानका क्रममा पनि कांग्रेस नेतृ देउवाको संलग्नता पुष्टि हुने कुनै प्रमाण भेटिएन । प्रहरी अधिकारीका अनुसार बयानका क्रममा कुनै पनि अभियुक्तले आरजुको नाम लिएका छैनन् ।

बरु आरजुले यो प्रकरणमा संलग्न कसैलाई नछोड्न संसदमा आवाज उठाइरहेकी छन् । देशकै शीर झुकाउने काममा संलग्नलाई हदैसम्मको कारवाहीको माग गरिरहेकी छन् ।

प्रहरी अधिकारीहरु भुटानी प्रकरणमा आरजुलाई जोडेर योजनावद्धरुमा मुद्धा कमजोर बनाउने चरित्र हत्या गर्ने र विषयान्तर गरेर मुद्दा कमजोर बनाउने रणनीति हुनसक्ने आशंका गर्छन् ।

0 0 votes
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x