राष्ट्रिय वाङमय गोष्ठी तथा लुम्बिनी प्रदेशिक महोत्सव
एसीपी संवाददाता
२८ फाल्गुन २०७७, शुक्रबार ०१:०७ मा प्रकाशित
राष्ट्रिय वाङमय गोष्ठी तथा लुम्बिनी प्रदेशिक महोत्सव २०७७ बिहीवारदेखि नेपालगन्जमा सुरु भएको छ । नेपाल प्रज्ञा प्रतिष्ठान कमलादी काठमाण्डौं र भेरी साहित्य समाज केन्द्रिय कार्यालय नेपालगन्ज बाँकेको सयुक्त आयोजनामा राष्ट्रिय वाङमय गोष्ठी तथा लुम्बिनी प्रदेशिक महोत्सव २०७७ सुरु भएको हो ।
गोष्ठी तथा सांस्कृतिक महोत्सवमा ५ वटा कृति विमोचन समेत गरिएको छ । विभिन्न भाषाभाषीका कृतिमा प्यारा मुल्क नेपाल और प्यारी जवान उर्दु नामक कृति अव्दुल लतिफ शौकले विमोचन गर्नुभएको छ भने, समय समयका कुरा हिललाल ज्ञवाली, बैसुल्लो नामक कृति इश्वरी प्रसाद रिजाल, विद्रोहका तरंग कल्पना पौडेल जिज्ञासु, अस्कार ए शारिक नामक कृति शारिक रब्बानीले विमोचन गर्नुभएको छ ।
गोष्ठी तथा सांस्कृतिक महोत्सवमा कर्णाली प्रदेश, सुदुरपश्चिम प्रदेश, लुम्बिनी प्रदेश र छिमेकी देश भारतबाट समेत साहित्यकारहरु आएका थिए । कार्यक्रममा विभिन्न जातजातिका सांस्कृतिक झल्कने नृत्य प्रस्तुत गरिएको थियो ।
सम्बन्धित खबर
