२१ बैशाख २०८३, सोमबार
तिन दिनभित्र सिंहदरबार लगायतका क्षेत्रको फोहोर उठाउन महानगरलाई सर्वोच्चको आदेश
एसीपी संवाददाता
८ बैशाख २०८०, शुक्रबार १६:५२ मा प्रकाशित
काठमाडौं । सर्वोच्च अदालतले सिंहदरबार र राष्ट्रपति निवासलगायतका क्षेत्रको फोहोर तीन दिनभित्र उठाई विसर्जन गर्न काठमाडौं महानगरपालिकाको नाममा अन्तरिम आदेश दिएको छ ।
काठमाडौंका मेयर बालेन शाहले संघीय सरकारले सहयोग नगरेको भन्दै सिंहदरबार र राष्ट्रपति निवासको फोहोर नउठाउने सार्वजनिक उर्दी जारी गरेका थिए । त्यसपछि सिंहदरबार र राष्ट्रपति निवासको फोहोर उठेको थिएन ।
यही विषयलाई लिएर अधिवक्ता पदमबहादुर श्रेष्ठलगायतले काठमाडौं महानगरविरुद्ध सर्वोच्चमा रिट दायर गरेका थिए । सोही रिटमाथि सुनुवाई गर्दै न्यायाधीश प्रकाशमान सिंह राउतको एकल इजलासले अन्तरिम आदेश दिएको हो ।
साथै सर्वोच्चले फोहोर व्यवस्थापन हुने ल्यान्डफिल साइटको समस्या समाधान गर्न सरकारको ध्यानाकर्षण गराएको छ ।
Subscribe
Login
0 Comments
सम्बन्धित खबर
