चीनको बेल्ट एण्ड रोड इनिसिएटिभ (बीआरआई ) लाई रोक्न युरोपेली देशको कडा कदम
एसीपी संवाददाता
१६ मंसिर २०७८, बिहीबार ०३:३६ मा प्रकाशित
१६ गते मङ्सिर २०७८ । युरोपेली संघले चीनको बेल्ट एण्ड रोड इनिसिएटिभ (बीआरआई) को प्रतिद्वन्द्वीका रूपमा हेरिने विश्वव्यापी लगानी योजना घोषणा गर्न लागेको छ।
यो बृहत् योजनामा डिजिटल, यातायात, जलवायु र ऊर्जा योजनामा ठोस कदम समेटिने स्रोतको भनाइ छ । यसलाई पश्चिमाहरूले अफ्रिका र अन्यत्र चिनियाँ प्रभावलाई रोक्ने प्रयासका रूपमा हेरिरहेका छन्।
अस्ट्रेलियाले ‘बेल्ट एन्ड रोड’ परियोजना रद्द, चीनको धम्की
युरोपेली आयोगका अध्यक्ष उर्सुला भोन डर लेयनले बुधबार यो ‘ग्लोबल गेटवे’ पहललाई विश्वसामु प्रस्तुत गर्नेछिन्। युरोपेली संघले आफ्ना सदस्य राष्ट्रहरू, वित्तीय संस्थाहरू र निजी क्षेत्रबाट अर्बौं युरोको फाइदा कसरी लिन सकिन्छ भनेर हेरिरहेको छ।
भोन डेर लेयनले सेप्टेम्बरमा आफ्नो ‘स्टेट अफ द युनियन’ भाषणमा भनेका थिए, “हामी संसारभरका मानिसहरूलाई वस्तु र सेवाहरूमा जोड्न उच्च गुणस्तरीय पूर्वाधारमा लगानी गर्न चाहन्छौं।
बुधबार जारी हुने १४ पृष्ठको दस्तावेजले चीनको रणनीतिको प्रतिद्वन्द्वीका रूपमा आफूलाई स्पष्ट रूपमा प्रस्तुत गर्ने सम्भावना छैन। मंगलबार पनि यस योजनाको बारेमा सोध्दा युरोपेली आयोगले चीनको नाम पनि लिन अस्वीकार गर्यो। बिबिसी
