तमिल सिनेमाकी नायिका विलसनले गलत उपचारका कारण छालाकी डाक्टर (थि कटाक्ष
एसीपी संवाददाता
१३ बैशाख २०७८, सोमबार १३:२७ मा प्रकाशित
तमिल सिनेमाकी चर्चित नायिका रायजा विलसनले गलत उपचारका कारण सोसल मिडियामा एक छालाकी डाक्टर (छालारोग विशेषज्ञ) माथि कटाक्ष गरेकी छिन् । रायजाले उपचारपछि आफ्नो अनुहारको स्थिति खराब भएपछि डाक्टरका लागि सोसल मिडियामा मेसेज नै लेखेकी छिन् । उनले एउटा पोस्टमा छालारोग विशेषज्ञको नाम मेन्सन गर्दै उनलाई यो उपचारका लागि दबाब दिइएको बताइन् ।
रायजा विलसनले इन्स्टाग्राम स्टोरीमा एउटा क्लिनिक बाहिरको आफ्नो फोटो सेयर गर्दै लेखिन्, ‘हिजो एउटा साधारण फेसियलका लागि डाक्टरलाई भेटेँ । उनले मलाई एउटा फेसियल प्रक्रिया गर्न भनिन् जसको मलाई आवश्यकता नै थिएन । अब नतिजा यस्तो छ ।’
उनले आफ्नो पोस्टमा थप लेखिन्, ‘उनी आज मलाई भेट्न र कुरा गर्न अस्वीकार गरिरहेकी छिन् । कर्मचारीले उनी शहरभन्दा बाहिर गएको बताइरहेका छन् ।’
टिभीमा जुन अनुहारका कारण दर्शकलाई स्टारलाई चिन्छन्, त्यो अनुहार नै खराब हुँदा रिस उठ्नु त स्वभाविक नै हो । रायजा पनि आफ्नो अनुहारमाथि भएको गलत उपचार र त्यसपछिको समाधान नभेटेका कारण असाध्यै रुष्ट छिन् ।
उनले सेयर गरेको फोटोमा उनको आँखा मुनी सुन्निएको देख्न सकिन्छ । रायजाले इन्स्टाग्राम स्टोरीमा प्रशंसकले पठाएको मेसेजको स्क्रिनसट्स पनि सेयर गरिएको छ । उनी भन्छिन्, ‘मेरो इन्बक्स ती मानिसहरुको मेसेजले भरिएको छ जसले उनै छालारोग विशेषज्ञमार्फत् आफ्नो अनुहारको उपचार गराएपछि खराब नतिजा हासिल गरे । ’
रायजा विलसनले सन् २०१७ मा भेटाइला पट्टाधारी टुमार्फत् आफ्नो अभिनयको डेब्यू गरेकी थिइन् । उनले यसमा काजोलकी सहयोगी वसुन्धरा परमेश्वरनको भूमिका निभाएकी थिइन् ।
रायजाले बिग बस तमिलबाट चर्चा पाइन् । उनी कमल हासनद्वारा होस्ट गरिने रियालिटी शो बिग बस तमिलकी सबैभन्दा चर्चित प्रतियोगीमध्ये एक थिइन् । रातोपाटी
