महिला एसिया कप २०२४ मा श्रीलंका र भारत बिच फाईनल
एसीपी संवाददाता
१३ श्रावण २०८१, आईतवार १४:०७ मा प्रकाशित
करण वाडिया , खेल समाचार – महिला एसिया कप २०२४ मा श्रीलंका र भारत दुवै टोलीको प्रदर्शन उत्कृष्ट रहेको छ । दुवै टोलीले आ–आफ्ना प्रतिद्वन्द्वीलाई पराजित गर्दै फाईनलमा पुगेका छ्न । अब भारतीय महिला क्रिकेट टोली र श्रीलंका बिच फाइनल खेल जुलाई २८ मा डम्बुला अन्तर्राष्ट्रिय स्टेडियममा हुनेछ । 
डम्बुला क्रिकेट रंगशालामा श्रीलंकालाई हराउँदै आठौं पटक उपाधि उचाल्ने लक्ष्यमा भारत छ । गत संस्करणमा पनि भारतले श्रीलंकालाई नै ८ विकेटले हराउँदै उपाधि जितेको थियो । महिला एसिया कपमा श्रीलंका र भारतको फाइनलमा भेट भने यो पाँचौं पटक हो । २००४ यता सुरु भएको महिला एसिया कपमा २०१८ को सिजनमा भारतलाई ३ विकेटले हराउँदै बंगलादेशले उपाधी जितेको थियो । त्यसबाहेक २००४, २००५, २००६, २००८, २०१२, २०१६ र २०२२ को उपाधि भारतले जितेको छ ।
सम्बन्धित खबर
