गदर २ का खलनायक मनिष वाधवा मेरठ पुग्दा
एसीपी संवाददाता
१ भाद्र २०८०, शुक्रबार १४:३२ मा प्रकाशित
एजेन्सी – गदर २ का खलनायक मनिष वाधवा मेरठ पुग्दा दर्शकले ‘हिन्दुस्तान जिन्दाबाद’को नारा लगाएर स्वागत गरे ।
गदर २ फिल्मका खलनायक ‘हामिद इकबाल’ गत दिन मेरठ पुगेका थिए । अभिनेता मनिष वाधवा अचानक मेरठको पीभीएस आइनक्स मल्टिप्लेक्समा दर्शकहरूमा देखा पर्यो। चलिरहेको शोमा दर्शकले मनिषलाई आफ्नो बीचमा देख्नेबित्तिकै हिन्दुस्तान जिन्दाबादको नारा लगाएका थिए ।
दर्शकले पर्दामा हेरेका कलाकारलाई भेट्ने उत्साह दोब्बर भयो । हलबाहिर दर्शकले नाराबाजी गर्न थाले । अभिनेता मनिष वाधवाको मेरठसँग गहिरो सम्बन्ध छ, उनले मेरठको सेन्ट जोन्स स्कूलबाट पढाइ गरेका थिए। यद्यपि मनिषको परिवार लामो समयदेखि मेरठमा बस्दैन।
गदर टु यतिबेला थिएटरमा धमाधम छ । बक्स अफिसमा सुपरहिट बन्दै गदर २ को बुकिङ खचाखच भरिएको छ । फिल्ममा तारा र सकिनालाई जति रुचाइएको छ । फिल्मका खलनायक अर्थात् हमिद इकबालको भूमिकामा रहेका मनिष वाधवालाई पनि उत्तिकै रुचाइएको छ । नकारात्मक चरित्रबाट फिल्मलाई जीवन दिने मनिष सोमबार मेरठको पीभीएस मलमा रहेको आइनक्स थिएटरमा पुगेका थिए ।
सम्बन्धित खबर
