चीनले भूमि मिचेको भन्दै काठमाडौँमा प्रदर्शन,युवाहरु पक्राउ

एसीपी संवाददाता

१८ आश्विन २०७७, आईतवार १२:४२ मा प्रकाशित

चीनले नेपाली भूमि अतिक्रमण गरेको भन्दै काठमाडौँमा प्रदर्शनको तयारीमा रहेका युवाहरुलाई प्रहरीले नियन्त्रणमा लिएको छ ।
चिनियाँ दूतावास अगाडि प्रदर्शनको तयारी गरिरहेका युवाहरुलाई प्रहरीले तितरवितर पारेको हो ।

सो क्रममा केहिलाई प्रहरीले नियन्त्रणमा लिएको थियो । हालै हुम्लामा नेपाली क्षेत्रमा चीनले भवन बनाएको दाबी गरिएको थियो । चीनले आफूले नेपाली क्षेत्रमा भवन नबनाएको बताएको छ । सोही बिषयमा भूमि अतिक्रमण तथा सरकारी उदासिनताको विरोधमा प्रदर्शन गरिएको प्रदर्शनकारीले बताएका छन् ।