एन्फा यू–१४ छात्र/छात्रा विद्यालय प्रदेशस्तरीय फुटबल प्रतियोगिता–२०८२ को समापन
एसीपी संवाददाता
२६ माघ २०८२, आईतवार १०:३८ मा प्रकाशित
अखिल नेपाल फुटबल संघ (एन्फा) को कार्यक्रम अन्तर्गत सुदूरपश्चिम प्रदेश फुटबल संघको आयोजनामा सम्पन्न एन्फा यू–१४ छात्र/छात्रा विद्यालय प्रदेशस्तरीय फुटबल प्रतियोगिता–२०८२ को समापन तथा दोस्रो खेल आज कञ्चनपुर जिल्लाको पुनर्वास–७ स्थित सिद्धार्थ युवा क्लबको खेलमैदानमा सम्पन्न भएको छ।
समापन समारोह सुदूरपश्चिम प्रदेश खेलकुद परिषद्का सदस्य–सचिव लोक बहादुर खड्काको प्रमुख आतिथ्यतामा सम्पन्न भयो।
आज सम्पन्न खेलमध्ये छात्रातर्फ जीवन ज्योति माध्यमिक विद्यालय, कञ्चनपुर र दुर्गा भवानी माध्यमिक विद्यालय, कैलालीबीचको खेल निर्धारित समयमा १–१ गोलको बराबरीमा सकिएपछि ट्राइब्रेकरमा जीवन ज्योति मावि, कञ्चनपुर विजयी भयो।
त्यसैगरी छात्रतर्फ सत्यवती एकेडेमी, कैलालीले सरस्वती माध्यमिक विद्यालय, कञ्चनपुरलाई १–० गोलले पराजित गर्दै उपाधि जित्न सफल भयो।
विजयी टिम तथा खेलाडीहरूलाई नगद पुरस्कारसहित ट्रफी, मेडल र प्रमाणपत्र वितरण गरिएको थियो। साथै प्रतियोगिताका विभिन्न विधाअन्तर्गत उत्कृष्ट प्रदर्शन गर्ने खेलाडीहरूलाई पनि विशेष पुरस्कार प्रदान गरिएको थियो।
यस प्रतियोगिताका छात्र तथा छात्रा दुवै तर्फका विजेता टोलीहरूले सुदूरपश्चिम च्याम्पियन को रूपमा राष्ट्रिय यू -१४ प्रतियोगितामा सहभागिता जनाउनेछन्।
सम्बन्धित खबर
युवाको समर्थन सुधान्शुलाई थियोे
२१ घण्टा अगाडि
निर्वाचन सम्पन्न हुँदा नेपाल सरकारलाई बधाई
२१ घण्टा अगाडि
