छठ पर्वले सामाजिक सद्भाव, एकता र भाइचाराको भावना बलियो बनाओस् : मुजम्मिल राई
एसीपी संवाददाता
३० कार्तिक २०८३, आईतवार १७:४१ मा प्रकाशित
लोक आस्था, निष्ठा र पवित्रताको महापर्व छठ – २०८३ को अवसरमा जानकी गाउँपालिका वडा नं. १, साईगाउँका वडा अध्यक्ष पदका उम्मेदवार मुजम्मिल राईले स्वदेश तथा विदेशमा रहनुभएका सम्पूर्ण नेपाली आमाबुबा, दाजुभाइ तथा दिदीबहिनीहरूमा हार्दिक मंगलमय शुभकामना व्यक्त गर्नुभएको छ।
‘हाम्रो संस्कृति, हाम्रो गौरव’ तथा ‘समृद्ध नेपाल, सुखी नेपाली’ भन्ने मूल भावनासहित शुभकामना सन्देश जारी गर्दै राईले छठ पर्वले सम्पूर्ण नेपालीको जीवनमा सुख, शान्ति, समृद्धि र सकारात्मक ऊर्जा प्रदान गरोस् भन्ने कामना गर्नुभएको छ।उहाँले अस्ताउँदो र उदाउँदो सूर्यदेवको आराधना गरी मनाइने छठ पर्व आस्था, निष्ठा, पवित्रता र आत्मअनुशासनको प्रतीक भएको उल्लेख गर्दै यस पर्वले समाजमा आपसी प्रेम, सद्भाव, एकता र भाइचाराको सम्बन्धलाई थप मजबुत बनाउने विश्वास व्यक्त गर्नुभएको छ।
राईले भन्नुभएको छ, “छठी माताको कृपाले सम्पूर्ण देशवासीको घर–आँगनमा सुख, शान्ति, सुस्वास्थ्य, दीर्घायु र समृद्धिको उज्यालो छाओस्। यस पवित्र पर्वले सबै नेपालीबीच आपसी प्रेम, धार्मिक सहिष्णुता, सामाजिक सद्भाव र एकताको भावना अझ प्रगाढ बनाउँदै जीवनमा नयाँ आशा, उमङ्ग र उत्साह थपोस्।”
उहाँले छठ पर्वले समाजमा विद्यमान विविधता, धार्मिक सहिष्णुता र सांस्कृतिक एकतालाई अझ सुदृढ बनाउँदै समृद्ध र सभ्य समाज निर्माणका लागि सबैलाई प्रेरणा प्रदान गरोस् भन्ने शुभेच्छासमेत व्यक्त गर्नुभएको छ।अन्त्यमा, वडा अध्यक्ष पदका उम्मेदवार राईले छठ पर्वलाई आफ्नो मौलिक संस्कृति, परम्परा र पहिचानका रूपमा संरक्षण तथा प्रवर्द्धन गर्दै आगामी पुस्तासम्म यसको महत्त्व र गरिमा कायम राख्न सबैमा आग्रह गर्नुभएको छ।
सम्बन्धित खबर
