बलुचिस्तान छुट्टै देश हुनुपर्छ – मिर
एसीपी संवाददाता
२३ पुष २०८२, बुधबार १०:०१ मा प्रकाशित
एजेन्सी – मिर यार बलोचले बलुचिस्तानलाई पाकिस्तानबाट अलग देशको रूपमा स्थापित गर्ने अभियानलाई तीव्र बनाएका छन्।
उनले इजरायल र अफगानिस्तानलाई सामाजिक सञ्जालमा खुला पत्र लेखेका छन्। आफ्नो पत्रमा मिरले पाकिस्तानबाट बलुचिस्तानको स्वतन्त्रता प्राप्त गर्न दुवै देशबाट सहयोगको अनुरोध गरेका छन्।
यी दुई देशका साथै मिर यारले भारतबाट पनि सहयोग मागेका छन्। उनले बलुचिस्तानको लागि छुट्टै सेना बनाउने घोषणा पनि गरेका छन्।
इजरायली विदेशमन्त्रीलाई लेखेको खुला पत्रमा मिर यार बलोचले वर्तमान क्षेत्रीय अस्थिरताको बीचमा बलुचिस्तान गणराज्यले इजरायलको सामना गरिरहेको रणनीतिक वास्तविकतालाई मान्यता दिएको बताएका छन्।
हमासलाई पाकिस्तानको समर्थन र इरानको क्रान्तिकारी अक्षसँगको गठबन्धनले हिंसामा योगदान पुर्याएको उनले जिकिर गरेका छ्न ।
सम्बन्धित खबर
ओलीको पत्थरी शल्यक्रियापछि इन्फेक्सन, भेटघाटमा रोक
४ घण्टा अगाडि
