चीनमा कोरोना भाइरसको उत्पत्ति कसरी भयो भन्दै डब्लुएचओ टोलि बुहानको माछा बजारमा
एसीपी संवाददाता
१९ माघ २०७७, सोमबार ११:०६ मा प्रकाशित
वुहान — कोरोना भाइरसको उत्पत्तिबारे अनुसन्धान गर्न खटिएको विश्व स्वास्थ्य संगठन (डब्लूएचओ) को टोलीले आइतबार वुहानको भ्रमण गरेको छ ।
सन् २०१९ को डिसेम्बरमा कोरोना भाइरसको संक्रमण हुबेई प्रान्तको वुहान सहरबाट फैलिएको मानिन्छ । टोलीका सदस्यहरूले हुआनानको माछामासु बजारको पनि भ्रमण गरेको जनाइएको छ । उक्त बजार करिब एक वर्षदेखि सिलबन्दीको अवस्थामा छ ।
समाचार संस्था एएफपीका अनुसार सुरक्षाकर्मीले डब्लूएचओको अनुसन्धान टोलीका सदस्यलाई मात्र बजारभित्र प्रवेश दिएका थिए । टोलीमाथि चिनियाँ अधिकारीहरूले कडा निगरानी गरेका छन् ।
जनावरबाट मानिसमा कोरोना भाइरस कसरी सर्यो भन्ने अनुसन्धान गर्न डब्लूएचओको टोली वुहान पुगेको हो । अनुसन्धानका लागि खासै चासो नदेखाएको चीन बढ्दो अन्तर्राष्ट्रिय दबाबपछि डब्लूएचओको टोलीलाई अनुसन्धानका लागि प्रवेश दिन बाध्य भएको हो ।
चीनको बिजिंग सहरमा कोरोना भाइरसको महामारी फेरी फैलिने खतरा,स्र्पी्रग फेस्टेबल नमनाउन आग्रह
एएफपीका अनुसार भाइरसको स्रोत पहिचान गर्न निकै कठिन रहेको डब्लूएचओ टोलीको आकलन छ ।
वुहानबाटै फैलिएको भनिएको भाइरसका कारण विश्वभर २० लाख जनाभन्दा बढीको मृत्यु भइसकेको छ । चिनियाँ अखबार ग्लोबल टाइम्सले भाइरसको स्रोत वुहानको माछा बजार नभएको दाबी गर्दै खबर प्रकाशन गरिरहेको छ ।
चिनियाँ अधिकारीहरूले कोरोना भाइरसलाई नियन्त्रणमा ल्याउन चीन सरकारले अपनाएको कदम र नागरिकले दिएको साथ अमूल्य रहेको बताउँदै आएका छन् ।
डब्ल्यूएचओको वैज्ञानिकको टोलीद्धारा चीनमा कोरोना भाइरसको उत्पत्तिको बारेमा ‘फिल्ड’जाँच सुरु
कोरोना भाइरसका कारण चीनमा ४ हजार ६ सय ३६ जनाको मृत्यु भएको अधिकारीहरूले जनाएका छन् । यद्यपि, उक्त तथ्यांकमाथि पश्चिमा देशहरूले आशंका व्यक्त गर्दै आएका छन् । कान्तिपुरबाट
सम्बन्धित खबर
[…] […]