टी-२० सिरिज: नेपाल आज नेदरल्यान्ड्ससंग खेल्दै
एसीपी संवाददाता
१६ फाल्गुन २०८०, बुधबार ०९:०५ मा प्रकाशित
काठमाडौँ । मंगलबारदेखि काठमाडौँमा सुरु भएको टी–२० आई त्रिकोणात्मक क्रिकेट श्रृंखलामा आज नेपाल र नेदरल्याण्ड्सबीच खेल हुँदैछ ।
पहिलो खेलमै नामिबियासँग २० रनले पराजित भएको नेपालले आज नेदरल्याण्ड्सलाई पराजित गर्नै पर्नेछ । कीर्तिपुरस्थित त्रिविविको मैदानमा आज बिहान साढे ११ बजे सुरु हुने खेलमा नेपालले आज राम्रो खेल्ने विश्वास लिइएको छ ।
पहिलो खेलमा पहिलो ब्याटिङ गर्दै नामिबियाले नेपाललाई दिएको २०७ रनको लक्ष्यलाई नेपालले १८.५ ओभरमा सबै विकेट गुमाएर १८६ रन मात्र बनाउन सक्यो । नेपालका लागि दिपेन्द्र सिंह ऐरीले ३२ बलमा ४८ रन बनाएका थिए ।
कप्तान रोहित पौडेलले २४ बलमा ४२, कुशल मल्लले २१ बलमा ३२ तथा सोमपाल कामीले ११ बलमा २६ रन बनाए । रुबेन ट्रम्पेलमानले सर्वाधिक ४ विकेट लिए ।
उक्त खेलमा नामिबियाका लागि जान निकोल लोफ्टि इटनले कीर्तिमानी शतक बनाए । उनले मात्र ३३ बलमा शतक पूरा गरेर नेपाली खेलाडी कुशल मल्लको नाममा रहेको ३४ बलमा बनाएको शतकको कीर्तिमान तोडेका हुन् ।
सम्बन्धित खबर
महासमय स्थलमा थाइल्याण्डका भिक्षुद्वारा पूजापा
२२ घण्टा अगाडि
