पाकिस्तानमा आतंककारी हमला , आत्मघाती बम बिस्फोटमा १० को मृत्यु
एसीपी संवाददाता
१४ आश्विन २०८२, मंगलवार १९:५१ मा प्रकाशित
पाकिस्तान – पाकिस्तानको बलुचिस्तान प्रान्तमा मंगलबार अर्धसैनिक बलको मुख्यालयलाई लक्षित गरी गरिएको आत्मघाती आक्रमणमा १० जनाको मृत्यु भएको छ मृतकमा ४ जना हमलावर पनि रहेको बताईएको छ ।
उक्त आत्मघाती हमलामा ३२ जना घाइते रहेको पाकिस्तान स्थित डान समाचार लेखेको छ ।
क्वेटामा आज यो बिस्फोट भएको हो । सैनिक मुख्यालय लक्ष्य बनाई बिस्फोट गराईएको हो ।
आतंककारीले विस्फोटक पदार्थले भरिएको गाडीलाई मुख्यालयको बाहिरी पर्खालमा ठोक्काए पछि विष्पोट भएको तथा चार आतंककारीहरु घटना स्थलमै मृत्यु भएको हो ।
विस्फोट हुँदा बस र रिक्सा घटनास्थलमा रहेको तथा अधिकांश मृतक र घाइतेहरू गाडीमा सवार यात्रुहरू रहेको उनले बताएका छन् ।
अहिलेसम्म कुनै समूहले आक्रमणको जिम्मेवारी लिएको छैन । प्रधानमन्त्री शाहबाज सरिफले आक्रमणको निन्दा गर्दै निर्दोष नागरिकहरूलाई हानि पुर्याउने र देशको अखण्डतालाई कमजोर पार्ने प्रयास गर्ने आतंककारीहरूलाई कानुन बमोजिम कारवाही गरिने बताएका हुन ।
सम्बन्धित खबर
