३० असार २०८१, शनिबार

भारतीय नौसेनामा पहिलो पटक महिला अधिकारीले जहाजको कमान्ड गर्ने

एसीपी संवाददाता

१६ मंसिर २०८०, शनिबार १९:४६ मा प्रकाशित

भारतीय नौसेना प्रमुख एडमिरल आर. हरि कुमारले नौसेनामा महिलाको भूमिका तीव्र गतिमा बढिरहेको बताएका छन् । उनका अनुसार महिलालाई सबै भूमिका र सबै पदहरूमा नियुक्त गरिएको छ। महिला अग्निवीरको संख्या एक हजार नाघेको छ ।    नौसेना दिवस अघि पत्रकार सम्मेलनमा एडमिरल कुमारले भारतीय नौसेना तीनवटा सेवाको एकताका लागि पूर्ण प्रतिबद्ध रहेको बताए। भर्खरै पहिलो महिला कमाण्डिङ अफिसर नौसेना जहाज आईएनएस ट्रिंकटमा नियुक्त गरिएको उनको भनाई थियो। उनले हिन्द महासागर क्षेत्र र बाहिरका राष्ट्रिय हितको रक्षाका लागि इकाइहरू तैनाथ गरिएको बताए।

हिन्द महासागर क्षेत्रमा चीन, माल्दिभ्स र पाकिस्तानको गतिविधिबारे एडमिरल कुमारले महासागरलाई साझा सम्पदा मानिएको बताए । ‘महासागरहरू कुनै पनि राष्ट्रको वैध आर्थिक गतिविधिहरूको लागि प्रयोग गर्न सकिन्छ। हामी हिन्द महासागरमा स्थानीय नौसैनिक शक्तिको रूपमा त्यहाँ के भइरहेको छ भनेर नजर राख्न सक्छौं। हामी जहाज, पनडुब्बी, विमान तैनाथ गर्छौँ,’ उनले भने ।

0 0 votes
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x