ट्रम्पले चीनमाथि थप १०% कर लगाउने घोषणा, चीनको कडा प्रतिक्रिया
एसीपी संवाददाता
१८ फाल्गुन २०८१, आईतवार १७:४० मा प्रकाशित
अमेरिकी राष्ट्रपति डोनाल्ड ट्रम्पले चीनमाथि थप १० प्रतिशत भन्सार कर लगाउने घोषणा गरेपछि चीनले कडा प्रतिक्रिया दिएको छ।
चिनियाँ विदेश मन्त्रालयका प्रवक्ताले ट्रम्पको निर्णयले दुई देशबीचको व्यापार वार्तामा गम्भीर असर पार्ने चेतावनी दिएका छन्। ट्रम्पले यसअघि आफ्नो कार्यकालको शुरुमै चीनबाट आयात हुने सामानमाथि १० प्रतिशत कर लगाएका थिए। नयाँ कर मार्च ४ देखि लागू हुन सक्ने बताइएको छ।
यसैबीच, ट्रम्पले चीन र मेक्सिकोमाथि २५ प्रतिशतसम्म भन्सार लगाउने संकेत गरेका छन्, जसले अन्तर्राष्ट्रिय व्यापार क्षेत्रमा थप तनाव सिर्जना गर्ने सम्भावना देखिएको छ।
उइघुर मामिलामा चीन र अमेरिका आमनेसामने
अमेरिकाले चीनले उइघुर मुस्लिमहरूमाथि नरसंहार गरिरहेको आरोप लगाएपछि चीनले अमेरिकाको दाबीलाई ‘शताब्दीको सबैभन्दा ठूलो झूट’ भनेको छ।
चिनियाँ विदेश मन्त्रालयले सिनजियाङको अवस्थाबारे अमेरिकाले गलत सूचना फैलाएको आरोप लगाउँदै पश्चिमी राजनीतिज्ञहरूलाई ‘झूट फैलाउन बन्द गर्न’ चेतावनी दिएको छ।
ट्रम्प प्रशासनको नयाँ व्यापारिक नीतिले चीन-अमेरिका सम्बन्ध झनै बिग्रने संकेत देखिएको छ भने उइघुर मामिलामा जारी कूटनीतिक तनाव अझ चर्किने सम्भावना देखिएको छ।
सम्बन्धित खबर
