एयर इन्डिया एक्सप्रेसले काठमाडौंमा नियमित उडानहरू सञ्चालन हुने
एसीपी संवाददाता
९ जेष्ठ २०८२, बिहीबार २१:४६ मा प्रकाशित
एयर इन्डिया एक्सप्रेसले काठमाडौंमा नियमित उडानहरू सञ्चालन गर्ने भएको छ ।
टाटा ग्रुप अन्तर्गतको एयर इन्डियाको सहायक कम्पनी एयर इन्डिया एक्सप्रेसले बेंगलुरु र मुम्बईबाट दैनिक काठमाडौं उडानहरू सञ्चालन गर्न अनुमति प्राप्त गरेको छ। जुन १, २०२५ देखि बेंगलुरुबाट दैनिक उडान बिहान ८:०५ बजे सिधै काठमाडौँ आइपुग्ने र बिहान ९:०५ बजे प्रस्थान गर्ने गरी सञ्चालन गरिने एक्सप्रेसले जनाएको छ ।
विगतमा नेपाल एयरलाइन्सले काठमाडौँबाट बेंगलुरुका लागि नियमित उडानहरू सञ्चालन गर्थ्यो । तर, हाल कुनै पनि उडान सञ्चालन गरिएको छैन ।
बेगलुरु नेपाली विद्यार्थीहरूका लागि लोकप्रिय गन्तव्य हो र दुई सहरहरू बीच उडान सुरु गरेपछि यो उनीहरूका लागि धेरै सुविधाजनक हुने दाबी एयर इन्डिया एक्सप्रेसको छ ।
भारतबाट धार्मीक पर्यटनका लागी नेपाल आउन चाहने यात्रुहरूका लागि पनि यस उडान ले योगदान गर्ने विश्वास एक्सप्रेसको छ । यो उडानसँगै दुई देशहरू बीचको पर्यटन र कनेक्टिभिटी पनि बढ्नेछ।
निकट भविष्यमा, एयर इन्डिया एक्सप्रेसले मुम्बईमा पनि दैनिक उडानहरू सञ्चालन गर्नेछ। ट्राभल राइट प्रा.लि. नेपालमा एयर इन्डिया एक्सप्रेसको लागि GSA हो। नागरिकदैनिक
सम्बन्धित खबर
