नानपारा इमामबाडामा सय्यदा जैनब (स.अ.) को विलादत धुमधामका साथ मनाइयो
एसीपी संवाददाता
१५ कार्तिक २०८२, शुक्रबार १७:५२ मा प्रकाशित
नानपारा स्थित ऐतिहासिक इमामबाडामा सय्यदा जैनब सलामुल्लाह अलैहा को यौमे विलादत अत्यन्तै श्रद्धा र उत्साहका साथ मनाइएको छ। कार्यक्रमको प्रारम्भ कुरआन तिलावतसहित गरिएको थियो। 
कार्यक्रमका मुख्य वक्ता भारतको बहराइचबाट पधारनु भएका मकर्रिर मौलाना साहेब हुनुहुन्थ्यो। उहाँले सय्यदा जैनब (स.अ.) को असाधारण साहस, त्याग र इस्लामको सुरक्षामा दिनुभएको योगदानबारे विस्तारपूर्वक चर्चा गर्नुभयो।
नेपालबाट पधारनु भएका मौलाना डा. ज़ैनुल आबेदिन साहेबले सय्यदा जैनब (स.अ.) को चरित्र, विद्या र करबला पछि इस्लामी सन्देशको प्रसारमा उहाँको भूमिकामाथि प्रभावशाली वक्तव्य दिनुभयो।
त्यसपछि नेपालकै नूर मोहम्मद अन्सारीले आफ्नो असरदार बयान प्रस्तुत गर्नुभयो। कार्यक्रममा अबू साहेमा लगायत विभिन्न स्थानीय कलाकारहरूले नात, नोहा र मनमोहक कलामहरू प्रस्तुत गरी सभालाई भावनात्मक र आध्यात्मिक बनाएका थिए।
इमामबाडामा सय्यदा जैनब (स.अ.) को विलादतको यो कार्यक्रम अत्यन्तै सफल, अनुशासित र धार्मिक भावनाले ओतप्रोत वातावरणमा सम्पन्न भएको थियो।
सम्बन्धित खबर
