केनाइन टोली सहित सीमा क्षेत्रमा विशेष चेकजाँच तथा स्निफिङ
एसीपी संवाददाता
२१ चैत्र २०८२, शनिबार १३:१९ मा प्रकाशित
कपिलवस्तुको यशोधरा गाउँपालिका–७ मर्यादपुर बजार क्षेत्रमा सीमा नाकाबाट हुने लागुऔषध, विस्फोटक पदार्थ तथा अवैध ओसारपोसार नियन्त्रणका लागि विशेष चेकजाँच कार्यक्रम सञ्चालन गरिएको छ।
जिल्ला प्रहरी, मर्यादपुर प्रहरी चौकी र गौतम बुद्ध विमानस्थल सुरक्षा कार्यालयको केनाइन (Dog) शाखासहितको संयुक्त टोलीले २ वटा खोजी कुकुर प्रयोग गरी सवारी साधन र व्यक्तिहरूको कडाइका साथ जाँच गरेको थियो।
चेकजाँचका क्रममा भारतीय मोटरसाइकलमा लुकाई राखिएको SPASPROX १२ ट्याब्लेट सहित वब्लु यादव, नगद रु. ८ लाख र मोटरसाइकल सहित अफिजुल्लाह मुसलमान र अखलक खाँन, साथै भारतीय नगद रु. १ लाख र मोटरसाइकल सहित अजय गुप्ता तथा दुखी मल्लाहलाई नियन्त्रणमा लिई जिल्ला प्रहरी कार्यालय कपिलवस्तु पठाइएको/ल्याइएको छ। यस घटनाबारे प्रहरीले आवश्यक अनुसन्धान अगाडि बढाइरहेको छ।
सम्बन्धित खबर
