देउवा दम्पतीलाई पक्राउ नगर्न सर्वोच्चको अन्तरिम आदेश
एसीपी संवाददाता
११ जेष्ठ २०८३, सोमबार २०:४५ मा प्रकाशित
काठमाडौं । सर्वोच्च अदालतले पूर्वप्रधानमन्त्री शेरबहादुर देउवा र उनकी पत्नी आरजु राणा देउवालाई पक्राउ नगर्न अन्तरिम आदेश जारी गरेको छ ।
सोमबार न्यायाधीशद्वय महेश शर्मा पौडेल र नित्यानन्द पाण्डेयको संयुक्त इजलासले उक्त आदेश दिएको हो ।
सर्वोच्च अदालतले देउवा दम्पतीविरुद्ध पक्राउ अनुमति माग्ने तथा जारी गर्ने प्रक्रियामै कानुनी त्रुटि देखिएको उल्लेख गरेको छ । अदालतले सम्पत्ति शुद्धीकरण अनुसन्धान विभाग र काठमाडौं जिल्ला अदालतबाट पक्राउ पुर्जी जारी गर्ने क्रममा कानुनले तोकेको विधि र प्रक्रिया पालना नभएको प्रारम्भिक रूपमा देखिएको जनाएको छ ।
आदेशमा भनिएको छ, ‘सम्पत्ति शुद्धीकरण अनुसन्धान विभाग र काठमाडौँ जिल्ला अदालतबाट पक्राउ पुर्जी जारी गर्न अनुमति माग गर्दा र प्रदान गर्दा यी कानुनी व्यवस्थाले निर्दिष्ट गरे बमोजिमको विधि र ढाँचा अवलम्बन भएको देखिँदैन। यो अवस्थामा पक्राउ पुर्जी जारी गर्ने अनुमति माग गर्ने र प्रदान गर्ने कार्यमा प्रचलित कानुनको प्रक्रिया अवलम्बन भएको देखिन आएन ।’
सर्वोच्चको उक्त आदेशसँगै देउवा दम्पतीलाई तत्काल पक्राउ नगर्न सम्बन्धित निकायलाई निर्देशन दिइएको छ । ईमेजखबर
सम्बन्धित खबर
प्रधानमन्त्रीले सम्बोधन नगर्ने
९ घण्टा अगाडि
अमेरिका इरान सहमति नजीक
९ घण्टा अगाडि
एमाले नेता उमाशंकर अरगरियाले गरे पार्टी परित्याग
१० घण्टा अगाडि
