चीनद्वारा करिब ८ लाख तिब्बती बालबालिकालाई उसको अभिभावकबाट अलग्गै बस्न बाध्य पारेको खुलासा
एसीपी संवाददाता
२७ मंसिर २०७८, सोमबार ०५:२० मा प्रकाशित
२७ गते मङ्सिर २०७८ । एजेन्सी – बेइजिङः चीनले करिब ८ लाख तिब्बती बालबालिकालाई आफ्ना अभिभावकबाट अलग्याएको खुलेको छ। तिब्बत एक्सन इन्स्टिच्युट (टिएआई)को रिपोर्टले तिब्बती बालबालिकालाई चिनियाँ संस्कृतिमा ढाल्न करिब ८ लाख बालबालिकालाई अभिभावकबाट अलग्याएको हो।
टिएआइकाअनुसार ६ देखि १८ वर्ष उमेर समूहका करिब ८ लाख तिब्बती बालबालिकालाई चीनले आफ्नो उपनिवेशमा रहेका बोर्डिङ स्कुलमा राखेको छ। ती बालबालिकाहरुलाई तिब्बतको बौद्ध धर्म र त्यहाँको संस्कृतिबाट टाढा राखेर चिनियाँ संस्कृति लाद्न आफ्ना अभिभावकसँग अलग्याएर टाढा राखेको सो रिपोर्टको निष्कर्ष छ।
तिब्बतमा शिक्षाका वैकल्पिक मार्गको अभाव र चीन सरकारको दमनका कारण अभिभावकहरु बलबालिकासँग अलग्गिन बाध्य भएको तिब्बतको नेसनल रिभ्यु म्यागजिनले उल्लेख गरेको छ। अभिभावकबाट अलग्गिएका बालबालिकाले तिब्बती संस्कृति, धर्म र भाषा सिक्नबाट वञ्चित हुने र उनीहरु चिनियाँ संस्कारअनुसार हुर्किने प्रक्षेपण विश्लेषकहरुले गरेका छन्।
यसै बिच पूर्वी चीन सागरमा जहाज डुब्दा कम्तीमा ४ को मृत्यु
हिनानः पूर्वी चीन सागर कोस्टमा कार्गो जहाज डुब्दा कम्तिमा ४ मानिसको मृत्यु भएको छ। आइतबार बिहान यान्ताई सहरको कोस्टमा कार्गो जहाज डुब्दा कम्तिमा ४ मानिसको मृत्यु भएको हो।
सो जहाज दुर्घटनामा परी ७ मानिस अझै हराइरहेको सिन्ह्वा न्युजमा खबर छ। दुर्घटनामा परेका अन्य तीन मानिसको भने सकुशल उद्धार गरिएको बताइएको छ। करिब १४ क्रू सदस्य बोकेको कार्गो जहाज दुर्घटनामा परेको थियो।
सम्बन्धित खबर
मस्जिद भित्र अनैतिक कार्य गर्ने मृत्यु दण्ड सजाय
३ दिन अगाडि
[…] […]