कोपा अमेरिका फुटबल प्रतियोगिताका खेलहरु आयोजना नहुने
एसीपी संवाददाता
७ जेष्ठ २०७८, शुक्रबार ०८:०६ मा प्रकाशित
कोलम्बियामा यस वर्ष कोपा अमेरिका फुटबल प्रतियोगिताका खेलहरु आयोजना नहुने भएको छ ।
यसअघि अर्जेन्टिना र कोलम्बियाले मिलेर यो प्रतियोगिता जुन महिनादेखि आयोजना गर्ने तय थियो । प्रतियोगिताको फाइनल खेल १० जुलाईमा कोलम्बियामै आयोजना हुने तय गरिएको थियो ।
तर, कोलम्बियामा चलिरहेको प्रदर्शनका कारण दक्षिण अमेरिकी फुटबल महासंघले यो प्रतियोगितामा हस्तक्षेप ग¥यो । कोलम्बियाले प्रतियोगितामा आफ्नै देशमा आयोजना गर्नका लागि अन्तिम प्रयास पनि गरेको थियो, उसले नोभेम्बरका लागि नयाँ मिति घोषणा गर्न प्रस्ताव गरेको थियो । जो असफल भयो ।
कोलम्बियामा तय भएका खेलहरु कहाँ खेलाउने भनेर दक्षिण अमेरिकी फुटबल महासंघले छिट्टै निर्णय लिने जनाएको छ ।
राष्ट्रपति इमान डुकुले कर र स्वास्थ उपचार सुधार घोषणा गरेपछि अप्रिलको अन्त्यमा कोलम्बियामा प्रदर्शन सुरु भएको थियो । पछिल्ला तीन सातादेखि यो प्रदर्शन निरन्तर जारी छ ।
राजधानी बोगोटा, मेडिलिन र काली (जहाँ, कोपाका खेलहरु आयोजना हुने तय थियो) क्षेत्रमा बृहद प्रदर्शन भइरहेको छ । रातोपाटी
सम्बन्धित खबर
लागु औषध विरुद्ध सचेतना अभियान
९ घण्टा अगाडि
नागपञ्चमी तथा गुँडिया पर्व हर्षोल्लासका साथ मनाइँदै
१० घण्टा अगाडि
