अमेरिकाको चेतावनीप्रति चीनले कडा रुख , दुई देश बिच आर्थिक द्वन्द
एसीपी संवाददाता
१६ श्रावण २०८२, बिहीबार १२:३० मा प्रकाशित
काठमाडौं । रूसबाट तेल खरिद जारी राखे उच्च कर लगाउने अमेरिकाको चेतावनीप्रति चीनले कडा प्रतिक्रिया जनाएको छ ।
ट्यारिफ युद्धमा कसैको जित नहुने बताउँदै चीनको बिदेश मन्ता भन्यो, “चीनले सधैँ आफ्ना राष्ट्रिय हितअनुसार ऊर्जा आपूर्ति सुनिश्चित गर्नेछ । जबरजस्ती र दबाबको नीतिबाट केही हासिल हुँदैन । चीनले आफ्नो सार्वभौमसत्ता, सुरक्षा र विकाससँग सम्बन्धित हितहरूको दृढतापूर्वक रक्षा गर्नेछ ।”
स्टकहोममा भएको व्यापार वार्ताका क्रममा अमेरिकी अर्थमन्त्री स्कट बेसेन्टले बेइजिङले प्रतिबन्धित रूसी तेल खरिद जारी राख्यो भने उच्च कर लगाउने चेतावनी पछि चीनले यस्तो बताएको हो । बेसेनटले चिनियाँ पक्षलाई कंग्रेसमा नयाँ विधेयकले रूसी तेल खरिद गर्ने देशहरूमाथि ५०० प्रतिशतसम्म आयात शुल्क लगाउने अधिकार दिनसक्ने भन्दै धम्की दिएका थिए ।
चीनले इरानी तेल खरिद गरेको र रूसलाई १५ अर्ब डलरभन्दा बढीको प्रविधि बिक्री गरेकोमा अमेरिका असन्तुष्ट छ । अमेरिका र चीनको सम्बन्ध पहिलेदेखि नै व्यापार, सुरक्षा र प्रविधिका मुद्दाहरूमा तनावपूर्ण रहँदै आएको छ ।नेपालभ्युज
सम्बन्धित खबर
