नेपाली काङ्ग्रेस बाँके जिल्ला अधिवेशनमा ( आज ) सोमबार उम्मेदवारी मनोनयन दर्ता गर्दै
एसीपी संवाददाता
१३ मंसिर २०७८, सोमबार ०१:१४ मा प्रकाशित
१३ गते मङ्सिर २०७८ । नेपाली कांग्रेसको १४औं महाधिवेशनअन्तर्गत आइतवरादेखि बाँके जिल्लाको निर्वाचन प्रक्रिया शुरु भएको छ । मतदाता नामावली प्रकाशन, मनोनयन फाराम वितरण गरिएको समितिका संयोजक एवम् जिल्ला निर्वाचन अधिकृत वरिष्ठ अधिवक्ता रेवतीरमण भट्टराईले बताए ।
आइतवार दिउँसो २ बजे मतदाता नामावली प्रकाशन गरी उम्मेदवारी फाराम वितरण गरिएको उनले बताए ।
आज सोमवार बिहान ९ बजेदेखि दिउँसो २ बजेसम्म उम्मेदवारी मनोनयन दर्तासहित सोही दिन बेलुकासम्म उम्मेदवारको अन्तिम नामावली प्रकाशन गरिनेछ । उम्मेदवारी मनोनयन सहितको निर्वाचन कार्यक्रम भने जिल्ला समन्वय समिति बाँकेमा गर्ने निर्वाचन परिचालन समितिले निर्णय गरेको छ ।
निर्वाचन कार्यक्रमअन्तर्गत मंसिर १४ गते मंगलबार बिहान ९ बजेदेखि दिउँसो ३ बजेसम्म मतदान सम्पन्न गरिनेछ ।
