२ श्रावण २०८३, शनिबार
आन्दोलनकारीले सर्वोच्च अदालत घेरेपछि बंगलादेशका प्रधानन्यायाधीश ओबेदुल हसनले दिए राजीनामा
एसीपी संवाददाता
२६ श्रावण २०८१, शनिबार २०:३० मा प्रकाशित
बंगलादेशका प्रधानन्यायाधीश ओबेदुल हसनले राजीनामा दिएका छन् । उनको राजीनामा माग्दै आन्दोलनकारीहरू सर्वोच्च अदालत परिसर घेरेपछि प्रधानन्यायाधीश हसनले राजीनामा दिएका हुन् ।
शनिबार बिहानदेखि सयौंको संख्यामा सर्वाेच्च अदालत परिसर पुगेका आन्दोलनकारीहरूले प्रधानन्यायाधीशको राजीनामा माग गर्दै नाराबाजी गरेका थिए । आन्दोलनकारीहरूले उनलाई राजीनामा गर्नका लागि दिउँसो १ बजेसम्मको अल्टिमेटमसमेत दिएका थिए ।
अल्टिमेटमअघि नै अदालत परिसरमा उपस्थित भएका पत्रकारहरूसँग बोल्दै हसनले आफू पदबाट बाहिरिएको घोषणा गरेका हुन् । अदालत परिसरमा जम्मा भएका आन्दोलनकारीहरूले हसनले राजीनामा नदिए उनको निवास घेर्ने चेतावनी दिएका थिए ।
Subscribe
Login
0 Comments
सम्बन्धित खबर
