आतङ्कवादी हमलामा परी मारिएका सुदीप न्यौपानेको न्यायका लागि आजपनि देशभर विभिन्न शहरमा प्रदर्शन
एसीपी संवाददाता
१३ बैशाख २०८२, शनिबार २१:०१ मा प्रकाशित
सुर्खेत, भारतको जम्मु–कश्मीरमा आतङ्कवादी हमलामा परी मारिएका सुदीप न्यौपानेको न्यायका लागि आजपनि देशभका विभिन्न शहरमा प्रदर्शन भएको छ । देशका विभिन्न शहरहरु विराटनगर, सिरहा, नेपालगन्ज, बर्दिया लगायतका शहरमा विरोध प्रदर्शन भएको हो ।
आज शनिबार काठमाडौँको चुनादेवी मन्दिरस्थित पाकिस्तानी दूतावास अगाडि केही युवाहरूले प्रदर्शन गरेका छन् । युवाहरूले प्ले कार्डसहित आतङ्ककारी मुर्दावाद, सुदीपलाई न्याय दे, पाकिस्तानी दूतावास खारिज गर लगायतका नारा लगाएका थिए । उनीहरूको प्रदर्शनमा राष्ट्रिय प्रजातन्त्र पार्टी (राप्रपा)ले समर्थन गर्दै विरोधमा उत्रिएको थियो । गत मंगलबार जम्मु कश्मिरको पहलगामको बैसारन भन्ने ठाउँमा पर्यटकहरुलाई लक्षित गरी आतंकवादी आक्रमण हुँदा नेपालीसहित कम्तिमा २६ जना मारिएका थिए ।
भारतको कश्मिरस्थित पाहलगममा भएको आतङ्ककारी हमलाप्रति नेपालका नागरिक समाज, धार्मिक संघसस्थाबाट विरोध, विज्ञप्ती निकालिएका छन् ।
सम्बन्धित खबर
