स्वच्छता सामग्री सेट राहत बापत सहयोग
एसीपी संवाददाता
८ कार्तिक २०७८, सोमबार ०४:१६ मा प्रकाशित
८ गते कात्तिक २०७८ । भेरी वातावरणीय विशिष्टता समूह (बी–ग्रुप) बाँकेले केयर नेपालको सहयोगमा गेरुवा गाउँपालिकासँगको समन्वय गरी कमैया महिला जागरण समाज नेपाल बर्दियासँगको सहकार्यमा मानविय साझेदारी मञ्च अन्तर्गत बाढीबाट प्रभावित भएका गेरुवा गाउँपालिका वडा नं= २ र ३ का जम्मा २१० घरपरिवारलाई कार्तिक ६ गते स्वच्छता सामग्री सेट राहत सहयोग उपलब्ध गराएको छ ।
त्यसैगरी यूके एडको आर्थिक सहयोगमा केयर नेपालसँगको साझेदारी एवं सामाजिक विकासका सचेत समाज (ऋक्क्म्) कैलालीसँगको सहकार्य र टिकापुर नगरपालिकासँग समन्वय गरी नगरपालिकाको वडा नं। ८ का बाढीबाट प्रभावित भएका २७५ घरपरिवारलाई कार्तिक ७ गते सेल्टर किट सहयोग उपलब्ध गराईएको छ ।
राहत सहयोग स्वरुप उपलब्ध गराएको सेल्टर किट बी–ग्रुपका अध्यक्ष टेकबहादुर पुनले टिकापुर नगरपालिका वडा नं. ८ का अध्यक्ष दिर्घ बहादुर ठकुल्लालाई हस्तान्तर गर्नु भएको बी–ग्रुपका निर्देशक डम्मर सुनारले जानकारी दिनु भयो ।
सम्बन्धित खबर
