कोरोना संक्रमणका कारण बाँकेमा थप चार जनाको मृत्यु
एसीपी संवाददाता
६ जेष्ठ २०७८, बिहीबार १७:१७ मा प्रकाशित
नेपालगन्ज: कोरोना भाइरस संक्रमणका कारण बाँकेका अस्पतालमा थप चारजनाको मृत्यु भएको छ । संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा तीन जना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप चारजनाको मृत्यु भएको अस्पतालले जनाएका छन् ।
जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीका अनुसार मृत्यु हुनेहरुमा जानकी गाउँपालिका-३ बाँकेका ४४ वर्षीया महिला, बढैयाताल गाउँपालिका-५ बर्दियाका ४० वर्षीय पुरुष, नेपालगन्ज उपमहानगरपालिका-७ बाँकेका ६३ वर्षीया महिला र खजुरा गाउँपालिका-४ बाँकेका ७५ वर्षीय पुरुष हुनुहुन्छ ।
योसँगै बाँकेमा कोरोना भाइरस संक्रमणका कारण उपचारका लागि जिल्ला बाहिरबाट आएका २१५ जना र जिल्लाकै २५९ जनाको मृत्यु भईसकेको छ ।
यसअघि हिजो साझँ ५ बजेपछि बिहानसम्म जिल्लाका दुई अस्पतालमा ८ जनाले संक्रमणकै कारण ज्यान गुमाएका थिए । जिल्लामा संक्रम्मण दर ओरोलो झर्दै गएको भएपनि मृत्युदरमा भने कमि आउन सकेको छैन ।
सम्बन्धित खबर
