१ श्रावण २०८३, शुक्रबार
लेबनानको राजधानी बेरुतमा इजरायलको हवाई आक्रमण
एसीपी संवाददाता
१७ आश्विन २०८१, बिहीबार १०:५१ मा प्रकाशित
लेबनानको राजधानी बेरुतमा इजरायलको हवाई आक्रमणबाट गएराति ६ जना मारिएका छन् । आक्रमणमा अरु ८ जना घाइते भएका छन् ।
पछिल्लो २४ घण्टामा पूरै लेबनानमा इजरायली आक्रमणबाट ४६ जना मारिएका र ८५ जना घाइते भएका लेबनानको स्वास्थ्य मन्त्रालयले जनाएको छ ।
समाचार संस्था अल जजिराका अनुसार, हिजबुल्लाह लडाकु र इजरायली सैनिकबीच दक्षिणी लेबनानमा भीषण युद्ध भइरहेको छ, जसमा इजरायलका पनि ८ सैनिक मारिएका छन् ।
इजरायलले प्यालेस्टाइनको गाजामा समेत आक्रमण तीव्र पारेको छ । एक अनाथलयसहित विद्यालय तथा अन्य फरक–फरक स्थानमा भएको आक्रमणमा दर्जनौं मानिस मारिएका छन् ।
गाजामा अक्टोबर २०२३ यता इजरायली आक्रमणबाट ४१ हजारभन्दा बढी मानिस मारिएका छन् भने ९६ हजारभन्दा बढी घाइते भएका छन् । गत वर्ष ७ अक्टोबरमा हमासले इजरायलमा आक्रमण गरी करिब १३ सय मानिस मारेको थियो भने २ सयलाई अपहरण गरेको थियो ।
Subscribe
Login
0 Comments
सम्बन्धित खबर
