बाँके प्रहरीद्वारा चाडपर्वको सुरक्षालाई मध्यनजर गर्दै क्विक रिस्पोन्स टिम परिचालन

एसीपी संवाददाता

२६ आश्विन २०७७, सोमबार १५:५५ मा प्रकाशित

बाँके प्रहरीले चाडपर्वको सुरक्षालाई मध्यनजर गर्दै क्विक रिस्पोन्स टिम परिचालन गरेको छ । जिल्लामा हुन सक्ने सम्भावित अपराधका घटना, लुटपाट तथा दुर्घटनाबाट सर्वसाधारणलाई सुरक्षा प्रदान गर्नका लागि पर्व विशेष सुरक्षा योजनाअन्तरगत नेपालगञ्जमा १६ वटा मोटरसाईकलमार्फत टिम परिचालन गरेको हो । घटना घटेको जानकारी पाउने वित्तिकै घटनास्थलमा पुग्नको लागि बाँके प्रहरीले सो टिम परिचालन गरेको जनाएको छ ।

बाँकेका प्रहरी प्रमुख प्रहरी उपरीक्षक ओमबहादुर रानाले नेपालगञ्जको धम्बोझी चोकबाट सोमबार साँझ औपचारिक रुपमा क्यूआरटी क्विक रिस्पोन्स टिम परिचालन गरेको जानकारी दिनुभयो । उहाले क्विक रिस्पोन्स टिमलाई सहज होस भन्ने उद्देश्यले नेपालगञ्जमा १६ वटा र जिल्ला भरी ३० वटा मोटरसाईकलसहितको टिम परिचालन गरिएको बताउनुभयो ।

रचनात्मक कार्यक्रमसहित प्रदर्शन

ट्राफिक प्रहरीद्वारा कृष्णनगरमा नागरिक सहायता कक्ष स्थापना