“मन्दिरको पवित्रता कायम गर्न श्री बागेश्वरी मन्दिर परिवारद्वारा नयाँ नियम जारी: टिकटक र भिडियो बनाउन प्रतिबन्ध।”
एसीपी संवाददाता
१९ श्रावण २०८३, मंगलवार २३:२४ मा प्रकाशित
नेपालगंज— श्री बागेश्वरी मन्दिर परिवारले मन्दिरको पवित्रता र मर्यादा कायम राख्न भन्दै नयाँ नियम तथा आचारसंहिता लागू गरेको छ। मन्दिर परिसरमा टाँसिएको सूचनामार्फत समितिले विभिन्न गतिविधिहरूमाथि कडा प्रतिबन्ध लगाएको घोषणा गरेको छ।
शक्तिपीठ श्री बागेश्वरी मन्दिर र जुङ्गे महादेवको मन्दिरमा गैर-हिन्दूहरूको प्रवेशमा निषेध गरिएको छ। मन्दिर परिसरभित्र र खदेश्वर जुङ्गे महादेवको मन्दिरमा अशिष्ट तथा असभ्य किसिमले टिकटक, भिडियो ग्राफी आदि बनाउन सख्त मनाही गरिएको छ।मन्दिरको पार्क क्षेत्रमा युगल जोडीहरूले अशिष्ट क्रियाकलाप गर्न पूर्ण रूपमा रोक लगाइएको छ।अमर्यादित, असभ्य र अशिष्ट कार्यहरू गरेको पाइएमा कानूनबमोजिम कडा कारबाही गरिनेछ। त्यस्ता गतिविधि गर्नेलाई रु. ५०० देखि रु. १००० सम्म जरिवाना तिराइने सूचनामा उल्लेख छ।
मन्दिरको धार्मिक तथा सामाजिक वातावरणलाई सुरक्षित र मर्यादित राख्नका लागि सबै भक्तजन तथा आगन्तुकहरूलाई यस नियमको पालना गर्न श्री बागेश्वरी मन्दिर परिवारले अनुरोध गरेको छ। 
सम्बन्धित खबर
लागु औषध विरुद्ध सचेतना अभियान
२० घण्टा अगाडि
नागपञ्चमी तथा गुँडिया पर्व हर्षोल्लासका साथ मनाइँदै
२० घण्टा अगाडि
